بريانسك ماشينا جاساۋ زاۋىتىنىڭ (رف) 2تە25كم ەكى سەكتسيالىق ماگيسترالدىق لوكوموتيۆى سالماعى 6 400 تونناعا دەيىنگى جۇك پويىزدارىن تارتا الادى. بۇرىنعىلارعا قاراعاندا, وسى تەپلوۆوزدىڭ ءبىرتالاي ارتىقشىلىعى بار: جوعارى تارتۋ كۇشى, ورناتىلعان دياگنوستيكا قۇرالدارىن قولدانۋ, زالالدى زاتتاردىڭ شىعارىلۋى تومەن, كۇشتىڭ شىعىندارى وڭتايلاندىرىلعان. قۇرىلىم ەرەكشەلىگىنە بايلانىستى, 2تە25كم مودەلىنىڭ پايدالانۋ شىعىندارى, سونىڭ ىشىندە جانارماي شىعىنى بۇرىنعى مودەلدەردەن از.
بۇدان باسقا, تاعى ەكى سۋ جاڭا تەپلوۆوز كاسىپورىننىڭ ىشكى جولدارىندا اۋىر شىعارۋ جانە دوڭەستىك جۇمىستاردى ورىندايدى. تۋرا سول ءوندىرۋشى زاۋىتىنىڭ تەم 18 دم مانەۆرلىك تەپلوۆوزدارى جاڭا ۇلكەيتىلگەن ماشينيست كابيناسىمەن, جەتىلدىرىلگەن جانە ۇنەمدى ديزەل-گەنەراتورىمەن جابدىقتالعان. تەپلوۆوزداردا بورتتىق ەنەرگيامەن جابدىقتاۋ, ميكروپروتسەسسورلىق باسقارۋ جانە دياگنوستيكا جۇيەلەرى, سونىمەن قاتار ماشينيست كابيناسىندا ميكروكليمات جۇيەسى قولدانىلادى. اتالعان جۇيەلەر جانارمايدىڭ قوسىمشا ۇنەمدەلۋىن, لوكوموتيۆكە تەحنيكالىق قىزمەت كورسەتۋ جانە جوندەۋ شىعىندارىن ازايتۋدى جانە لوكوموتيۆ بريگادالارىندا ەڭبەك جاعدايلارىنىڭ جاقسارتۋىن قامتاماسىز ەتەدى.
– بۇل تەپلوۆوزدار بىرنەشە جىلدىق تەكسەرۋدەن وتكەن جانە پايدالانعان جىلدارى وزدەرىن وتە جاقسى جاعىنان كورسەتكەن مودەلدەردىڭ نەگىزىندە جاسالعان, – دەپ ەسكەرتتى «شۇباركول كومىر» اق تەمىر جول تسەحىنىڭ باستىعى ۆياچەسلاۆ بورتۆين. – ولار قوزعالىس قاۋىپسىزدىگى مەن ەڭبەكتى قورعاۋ سالاسىنداعى بارلىق زاماناۋي تالاپتارعا, سونىمەن قاتار ERG تەحنيكالىق تالاپتارىنا سايكەس كەلەدى. بۇل - ءبىزدىڭ بارلىق جوسپارلارىمىزدى جۇزەگە اسىرۋعا كومەكتەسەتىن سەنىمدى جابدىق.
جاڭا تەحنيكانى ساتىپ الۋ «شۇباركول كومىر» اق 2019 جىلعى ينۆەستيتسيالىق باعدارلاما اياسىندا ىسكە اسىرىلعان. قوسىمشا لوكوموتيۆتەردى قولدانۋ كومپانيانىڭ 2018 جىلعا قاراعاندا, 2019 جىلى 1,5 ملن تونناعا ارتىق كومىر جونەلتۋ جوسپارىن جۇزەگە اسىرۋىنا ەلەۋلى تۇردە ىقپال ەتەدى.
