12 قاڭتار، 2019

سيريادان ورالعان ازاماتتار 1 اي بەيىمدەۋ ورتالىعىندا بولادى

279 رەتكورسەتىلدى

11 قاڭتاردا استانا قالاسىندا قوعامدىق دامۋ ۆيتسە-ءمينيسترى بەرىك ساقباي ۇلى ارىن بالالارى تەرروريستىك بەلسەندىلىگى جوعارى سيريا-يراك ايماقتارىنا كەتكەن اتا-انالارمەن كەزدەسۋ وتكىزدى. جيىنعا قر ازاماتتارىن ەلگە قايتارۋ ماسەلەرى بويىنشا مۇددەلى مەملەكەتتىك ورگانداردىڭ وكىلدەرى قاتىستى.

كەزدەسۋدە ەلباسىمىز ن.ءا. نازارباەۆتىڭ قازاقستان ازاماتتارىن سيريادان ەۆاكۋاتسيالاۋ جونىندەگى گۋمانيتارلىق شارانىڭ اياقتالۋىنا بايلانىستى جاساعان مالىمدەمەسىنە بايلانىستى اتقارىلىپ جاتقان شارالار تالقىلاندى.

«جۋسان» وپەراتسياسىنىڭ ناتيجەسىندە سيريادان  47 ازاماتىمىز، ونىڭ ىشىندە 6 ەر ازامات، 11 ايەل ازامات جانە 30 بالا قۇتقارىلىپ، ەلگە قايتارىلعانى بەلگىلى.

قازىرگى تاڭدا، ەلىمىزگە ورالعان ازاماتتار ءبىر اي بويى بەيىمدەۋ ورتالىعىندا قاجەتتى مەديتسينالىق، وڭالتۋ، بەيىمدەۋ جانە باسقا دا (بالالاردى قۇجاتتاندىرۋ، بالاباقشاعا، مەكتەپكە ورنالاستىرۋ، الەۋمەتتىك كومەك كورسەتۋ، پسيحولوگيالىق كومەك كورسەتۋ جانە ت.ب.) كومەك الادى.

ەستەرىڭىزگە سالساق، 2018 جىلدىڭ 21 قاراشاسىندا قر قوعامدىق دامۋ مينيسترلىگىنىڭ باسشىلىعىمەن وتكەن كەزدەسۋدە تۋىنداعان ماسەلەلەردىڭ تەز ارادا شەشۋ جولدارىن قاراستىرۋ ءۇشىن ەكى جاقتان «بايلانىس توبى» قۇرىلىپ، وعان اتا-انالار كوميتەتى مەن مينيسترلىك وكىلدەرى كىرگەن بولاتىن. بايلانىس توبى تاراپىنان شەتەلدە جۇرگەن ازاماتتاردىڭ ءتىزىمى رەتكە كەلتىرىلىپ،  ءتيىستى قۇزىرلى ورگاندارعا بەرىلگەن بولاتىن.

ال، 11 قاڭتاردا وتكەن كەزدەسۋ بارىسىندا اتا-انالار تاراپىنان ورالعان بالالاردىڭ جەكە قۇجاتتارىن راسىمدەۋ، جاردەماقى ماسەلەسىن قاراۋ، شەت ەلدەگى تۋىسقاندارمەن بايلانىسقا شىعۋ جانە تاعى دا باسقا سۇراقتار قارالىپ، ولارعا تولىق جاۋاپ بەرىلدى.

قوعامدىق دامۋ ۆيتسە-ءمينيسترى بەرىك ارىن قاقتىعىس ايماعىنداعى قر ازاماتتارىن ەلگە قايتارۋ جانە ولاردى وڭالتۋ بويىنشا جۇمىستار ءارى قاراي دا جالعاسا بەرەتىندىگىن جانە بۇل جۇمىستارعا بارلىق مۇددەلى مەملەكەتتىك ورگاندار اتسالىسىپ جاتقانىن اتاپ ءوتتى. سونداي-اق، وسى جۇمىستى بۇدان ءارى «بايلانىس توبى» ارقىلى ۇيلەستىرىپ وتىرۋ تۋرالى كەلىسىم جاسالدى.

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ۇقساس جاڭالىقتار