مىڭداعان التىنمەن قاپتالعان التىن ادام كيىمى جەيدە, ەتىك, باس كيىمنەن تۇرادى. ودان بولەك قازبا جۇمىستارىندا تابىلعان التىن سىرعالار مەن ساقينالار دا وعان تيەسىلى دەگەن بولجام بار.
عالىمدار «قازاقستاننىڭ تۋتانحامونى» اتاپ كەتكەن التىن ادام – 18 جاسار ساق ساربازى.
«التىن ادامنىڭ كوستيۋمى سول داۋىردەگى ەرەكشە شەبەرلىكتى كورسەتەدى. باتىر ساۋىتى باتتەرلىك, ءمورتابان, كەسۋ جانە تۇيىرشىكتەۋ ادىستەرىمەن جاسالعان. سونىمەن قاتار, كوستيۋمنەن قابىلاننىڭ, بۇعىنىڭ, تاۋ ەشكىسىنىڭ, جىلقىنىڭ, باسقا دا كوپتەگەن اڭ-قۇستىڭ بەينەسىن كورۋگە بولادى», دەيدى ۇلتتىق مۋزەيدىڭ «حالىق قازىناسى» عىلىمي-زەرتتەۋ ينستيتۋتى باسشىسى اقان وڭعار ۇلى Daily Sabah-قا بەرگەن سۇحباتىندا.
بۇدان بولەك Daily Sabah التىن ادامدى زەرتتەۋ ساق ءداۋىرىنىڭ التىن وندىرىسىمەن قوسا مادەنيەتى مەن باسقا دا قۇپيالارىنا جول اشتى دەيدى. اقان وڭعار ۇلىنىڭ ايتۋىنشا, بۇل جادىگەر – ساق قوعامىنىڭ التىن ءوندىرىپ, كەنمەن اينالىسقانىنىڭ كورسەتكىشى.
قازبا جۇمىسىنان تابىلعان قۇندى زاتتارعا قاراعاندا, التىن ادام ەرتە تەمىر نە كۇمىس داۋىرىندە ءومىر ءسۇردى دەگەن بولجام بار.
ءسوز سوڭىندا تۇرىك گازەتى التىن ادام دەنەسىنىڭ بيىل ساق داستۇرىمەن جەر قويناۋىنا تاپسىرىلاتىنىن ايتقان.
