فوتو: ۆيدەودان الىنعان كادر
وقيعا كاليفورنيا شتاتىندا بولعان. يسلام ورتالىعى اۋماعىندا مەشىتپەن قاتار ءدىني مەكتەپ تە ورنالاسقان.
پوليتسيا دەرەگىنە سايكەس, قازا تاپقانداردىڭ ءبىرى – كۇزەت قىزمەتكەرى. قۇقىق قورعاۋ ورگاندارىنىڭ جورامالداۋىنشا, كۇزەتشىنىڭ ارەكەتى ودان دا اۋقىمدى قىرعىننىڭ الدىن العان بولۋى مۇمكىن.
تەرگەۋ مالىمەتىنشە, شابۋىلعا 17 جانە 19 جاستاعى ەكى ءجاسوسپىرىم كۇدىكتى سانالادى. كەيىن ولاردىڭ دەنەلەرى يسلام ورتالىعىنان بىرنەشە كۆارتال جەردەگى كولىكتەن تابىلعان. الدىن الا بولجام بويىنشا, ولار شابۋىلدان كەيىن وزدەرىنە قول جۇمساعان.
امەريكالىق قۇقىق قورعاۋ ورگاندارى بۇل وقيعانى ءدىني جانە ناسىلدىك وشپەندىلىك نەگىزىندە جاسالعان قىلمىس رەتىندە قاراستىرىپ جاتىر.
باق مالىمەتىنشە, كۇدىكتىلەردىڭ ءبىرى ناسىلشىلدىك سيپاتتاعى سوزدەر جازىلعان قوشتاسۋ حاتىن قالدىرعان. سونداي-اق قارۋ-جاراقتان ەكسترەميستىك مازمۇنداعى جازۋلار تابىلعان.
بۇعان دەيىن اقش-تا اۋە شوۋى كەزىندە ەكى اسكەري ۇشاق سوقتىعىسقانى تۋرالى حابارلاعانبىز.
