ايماقتار • 03 قاڭتار، 2019

قازاقستان قۇراماسى حوككەيدەن جاستار اراسىنداعى الەم چەمپيوناتىندا دانيانى جەڭدى

99 رەتكورسەتىلدى

قازاقستان حوككەي قۇراماسى كاناداداعى جاستار اراسىنداعى الەم چەمپيوناتىنىڭ العاشقى جۇبانىش ماتچىندا دانيانى جەڭدى.

ويىن قاڭتاردىڭ 2-نەن 3-نە قاراعان ءتۇنى ۆانكۋۆەردەگى «رودجەرس ارەنادا» ءوتتى. ەكى قۇراما اراسىنداعى العاشقى كەزەدسۋدە جەرلەستەرىمىز 4:3 ەسەبىمەن باسىم ءتۇستى.

ماتچتا ەسەپتى ءبىرىنشى بولىپ ماتچتىڭ ەكىنشى مينۋتىندا قازاقستاندىق حوككەيشى ولەگ بويكو اشتى. دەگەنمەن 9-مينۋتتا دانيالىقتار ەسەپتى تەڭەستىرۋگە مۇمكىندىك الدى. بىراق ۇزىلىسكە دەيىن ەرنار مۇساباەۆ قۇرامامىزدىڭ ەكىنشى گولىن سالىپ، ەسەپتى 2:1 جەتكىزدى. ەكىنشى كەزەڭدە سايان دانيار قازاقستان قۇراماسىنىڭ ءۇشىنشى شايباسىن سوقتى. ال ويىننىڭ سوڭعى كەزەڭىندە دانيا حوككەيشىلەرى بەلسەندى ويناپ، ەكى رەت مەرگەندىگىمەن كوزگە ءتۇستى. اندرەاس گرۋندتۆيگ پەن ماتە سەلكوۆانىڭ ەكى گولىنا وتانداسىمىز ارتۋرا گاتياتوۆا ءبىر شايبامەن جاۋاپ بەردى. قورىتىندى ەسەپ - 4:3.

جۇبانىش ماتچى ەكى كوماندانىڭ بىرەۋى ەكى رەت جەڭىسكە جەتكەنگە دەيىن وينالادى. قازاقستان مەن دانيا اراسىنداعى ەكىنشى ويىن 4 قاڭتار كۇنى ساعات 23:00-دە وتەدى. ءۇشىنشى ماتچتىڭ ۋاقىتى – 5 قاڭتار، 23:00.

بۇعان دەيىن جاستار قۇرامامىز شۆەتسيا (1:4)، سلوۆاكيا (2:11)، اقش (2:8) جانە فينليانديا (0:5) ەلدەرىمەن بولعان ماتچتاردا جەڭىلگەن بولاتىن. اتالعان 4 ويىندا جەرلەستەرىمىز 5 شايبا سوعىپ، ءوز قاقپالارىنا 28 شايبا جىبەرىپ الدى. 

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار