تسيفرلى حالىققا قىزمەت كورسەتۋ ورتالىعى – بۇل قالا تۇرعىندارىنا جاۋاپتى قىزمەتكەرلەردىڭ قاتىسۋىنسىز ەلەكتروندى مەملەكەتتىك قىزمەتتەردى ءوز بەتىمەن الۋعا مۇمكىندىك بەرەدى. ياعني, مەكەمەنىڭ جۇمىسى تولىقتاي اۆتوماتتاندىرىلادى. جالپى, مەملەكەتتىك قىزمەتتەر تىزىمىندە 741 قىزمەت بار, ولاردىڭ 590-ى ەندى جاڭا حالىققا قىزمەت كورسەتۋ ورتالىعىنان كەرەك قۇجاتتاردى الا الادى. «ازاماتتارعا ارنالعان ۇكىمەت» مەملەكەتتىك كورپوراتسياسى تۇرعىنداردى ەلەكتروندى فورماتتا قىزمەت الۋعا ۇيرەتۋگە دايىن ەكەنىن اتاپ ءوتتى. ول ءۇشىن وقىتاتىن ارنايى سىنىپ جۇمىس ىستەيتىن بولادى. وندا كەز كەلگەن ادام ەلەكتروندى ۇكىمەت پورتالىندا جۇمىس ىستەۋدى جانە مەملەكەتتىك قىزمەت الۋدى ۇيرەنەدى.
ء–بىز تسيفرلى قازاقستان بولاشاعىنا ۇلكەن قادام جاسادىق. وسى كورسەتكىشتەرگە جەتتىك, سىبايلاس جەمقورلىق ەندى كەدەرگىسىز جويىلاتىن بولادى. بۇل حالىق ءۇشىن ىڭعايلى ءارى وتە ماڭىزدى قادام,–دەدى «ازاماتتارعا ارنالعان ۇكىمەت» مەملەكەتتىك كورپوراتسياسى وبلىستىق فيليالىنىڭ ديرەكتورى اقان باقىتجان.
تسيفرلى حالىققا قىزمەت كورسەتۋ ورتالىعىنىڭ اشىلۋى ازاماتتارعا ءوز بەتىنشە ەلەكتروندى ۇكىمەت پورتالى ارقىلى قىزمەت الۋعا مۇمكىندىك بەرەدى. بۇل تۇرعىندارعا كورسەتىلەتىن مەملەكەتتىك قىزمەت ساپاسىنىڭ ارتۋىنا وڭ اسەر ەتەدى.
بايقال ءبايادىل,
«ەگەمەن قازاقستان»
اقمولا وبلىسى
