بيىل وبلىس ورتالىعىنان «ەڭبەگى ءۇشىن» مەدالىنە التى بىردەي ماڭدايالدى قۇرىلىس كومپانياسىنىڭ جەتەكشىلەرى يە بولىپ وتىر. سالتاناتتى شاراعا جينالعانداردى «اقجول» دەموكراتيالىق پارتياسى اقمولا وبلىستىق فيليالىنىڭ توراعاسى باقىت سماعۇل قۇتتىقتاپ, استانانىڭ قالىپتاسۋىنا قوسقان ۇلەسىنە ايرىقشا توقتالدى.
– بيىلعى جىلدى قورىتىندىلاۋدىڭ ءبىر شاراسى رەتىندە سونداي ماراپات ۇيىمداستىرىلىپ وتىر. مۇنىڭ وزىندىك ورنى بار. ويتكەنى, «اقجول» پارتياسى بيزنەستىڭ پارتياسى بولعاندىقتان بيىل «استانانىڭ 20 جىلدىعى» جانە قۇرىلىس سالاسىندا قازاقستاندا ۇلەس قوسىپ جاتقان ۇلكەن ىرگەلى كومپانيا باسشىلارىنا ارنايى مەرەيتويلىق مەدال دايىندالعان بولاتىن. وسىنى قازاقستاننىڭ ءبىراز ازاماتتارى الدى. اقمولا وبلىسىنان دا بىرقاتار ازامات ۇسىنىلعان بولاتىن. ولارعا ازات پەرۋاشەۆتىڭ اتىنان تاپسىرۋ تۋرالى تاپسىرما بەرىلگەن,– دەدى «اقجول» دەموكراتيالىق پارتياسى اقمولا وبلىستىق فيليالىنىڭ توراعاسى باقىت سماعۇل.
ەڭبەگى ەلەنگەن ازاماتتاردىڭ قاتارىندا «جار داۋ» سەرىكتەستىگىنىڭ ديرەكتورى داۋرەنبەك جارىلعاسوۆ تا بار. ونىڭ باستى ارمانى - ەل يگىلىگى ءۇشىن ەرەن ەڭبەك ءسىڭىرۋ.
بايقال ءبايادىل,
«ەگەمەن قازاقستان»
اقمولا وبلىسى
