سونداي-اق, ماقتاارال اۋدانى وزبەكستاننىڭ سىرداريا جانە جىزاق وبلىستارىنداعى 4 اۋدانمەن شەكتەسەدى. وسىنداي گەوگرافيالىق مۇمكىندىكتى پايدالانىپ اۋداندا وزبەكستان رەسپۋبليكاسىمەن ساۋدا-ساتتىقتى دامىتۋ ءۇشىن حالىقارالىق ساۋدا كەشەندەرىن قۇرۋ جوسپارلانۋدا. بۇل تۋرالى وڭىرلىك كوممۋنيكاتسيالار قىزمەتىندە اۋدان اكىمى باقىت اسانوۆ مالىمدەدى.
«ماقتاارال اۋدانىندا ۇلى جىبەك جولىنىڭ ءبىر تارماعى سانالاتىن م-39 «تاشكەنت – تەرمەز» باعىتىنداعى ماگيسترال ءدالىزى بار. وسى اۆتوموبيل جولىنىڭ پوتەنتسيالىن پايدالانىپ, وڭىردە ساۋدا-ساتتىقتى جوعارى دەڭگەيدە دامىتۋعا مۇمكىندىگىمىز زور. ماسەلەن, ءبىر كەزدەرى حالىقارالىق دەڭگەيدە قىزمەت كورسەتكەن بەتونكانىڭ بويىنداعى «ساپار» بازارىن حالىقارالىق دەڭگەيدە قايتادان دامىتساق – وڭىردە مىڭداعان ادامدى جۇمىسپەن قامتي الامىز» - دەدى باقىت ناسىرحان ۇلى.
قازىرگى تاڭدا ەدىگە راحىمبەرديەۆكە تيەسىلى "ساپار" بازارىندا مودەرنيزاتسيالاۋ جۇمىستارى ءجۇرىپ جاتىر. ول ءۇشىن كاسىپكەردىڭ جەكە ەسەبىنەن 100 ميلليون تەڭگەدەن اسا قاراجات جۇمسالۋدا. 2019 جىلى اياقتالاتىن جوبا قوسىمشا 100 ادامدى جۇمىسپەن قامتيتىن بولادى.
سونىمەن قاتار, «ساپار» بازارىنىڭ اۋماعىندا وزبەكستان رەسپۋبليكاسىمەن ساۋدا-ساتتىقتى دامىتۋ ءۇشىن قىتاي حالىق رەسپۋبليكاسىنداعى «حارگوس», قىرعىزستان رەسپۋبليكاسىنداعى «دورداي» بازارلارى سياقتى ساۋدا كەشەندەرىن قۇرۋ جوسپارلانۋدا.
ءمىرزاشول ءوڭىرى ەلەكتر قۋاتىن كورشى وزبەكستان رەسپۋبلكاسىنان تاسىمالدايتىنى بەلگىلى. مىنە, ەنەرگيا تاپشىلىعىن ازايتۋ ماقساتىندا يندۋستريالاندىرۋ كارتاسىنان تىس "ينجەنەرنايا ارەنا" جشس-ءنىڭ بالامالى گيبريدتىك ەلەكترو ستانتسياسىن قۇرۋ كوزدەلۋدە. جالپى قۇنى 2,5 ملرد تەڭگەنى قۇرايتىن جوبا 4,9 مۆتت ەلەكتر وندىرە الادى. سونداي-اق, 2019 جىلى ىسكە قوسىلاتىن ستانتسيا 25 ادامدى جۇمىسپەن قامتىماق.
2018-2019 جىلدارداعى وڭىرلەر كاسىپكەرلىگىن قولداۋ كارتاسىنان تىس ىسكە اسىپ جاتقان جوبالاردىڭ قاتارىندا "التىن ساراي" قوناق ءۇيى مەن باسسەين كەشەنى, "ساپار" ساۋدا بازارىن مودەرنيزاتسيالاۋ جوبالارى دا بار.
اتاكەنت كەنتىندەگى "التىن ساراي" قوناق ءۇيى جانە باسسەين كەشەنىنىڭ قۇرىلىسى 2019 جىلى اياقتالادى دەپ كۇتىلدە. قۇنى 100 ميلليون تەڭگەنى قۇرايتىن جوبا ىسكە اسقاننان سوڭ 15 ادامدى تۇراقتى جۇمىس ورنىمەن قامتيدى.
سونداي-اق, اتاكەنت كەنتىندە "مۋتاليەۆ ق" جك-نە تيەسىلى تاعى ءبىر قوناق ءۇي مەن مەيرامحانا كەشەنىنىڭ قۇرىلىسى جۇرگىزىلۋدە. قۇنى 80 ميلليون تەڭگەنى قۇرايىن جوبا 15 ادامدى جۇمىسپەن قامتي الادى.
