«2018 جىل وبلىس ءۇشىن ەستە قالارلىقتاي جەمىستى قورىتىندىلاندى دەۋگە تولىق نەگىز بار. قولداعى مالىمەتتەرگە سۇيەنسەك, وبلىس ەكونوميكاسى كوتەرىلىپ, حالىقتىڭ الەۋمەتتىك جاعدايى جاقسارعانىن بايقاۋعا بولادى. قازاقستان مەن رەسەي پرەزيدەنتتەرىنىڭ قاتىسۋىمەن وتكەن XV وڭىرارالىق ىنتىماقتاستىق فورۋمىن ەرەكشە اتاپ وتكىم كەلەدى. مەملەكەت باسشىسىنىڭ تاپسىرماسى بويىنشا ايماقتىڭ الەۋمەتتىك-ەكونوميكالىق دامىتۋدىڭ 2019-2021 جىلدارعا ارنالعان كەشەندى جوسپارىنىنىڭ قابىلدانۋى-ماڭىزدى وقيعالاردىڭ ءبىرى», دەدى قۇمار ىرگەباي ۇلى.
وبلىس ەكونوميكاسى تۇراقتى دامىپ كەلەدى. اۋىل شارۋاشىلىعى ونىمدەرىن ءوندىرۋ كولەمى 2,1, قۇرىلىس جۇمىستارى 3,7, ونەركاسىپ ءوندىرىسى 1, ورتاشا ايلىق ەڭبەكاقى 6,8 پروتسەنتكە ءوستى. قازاقستاننىڭ اۋىل شارۋاشىلىعىنا سالىنعان ينۆەستيتسيانىڭ تورتتەن ءبىرى وبلىسقا تيەسىلى. اگروونەركاسىپ كەشەنىندەگى تسيفرلاندىرۋ, وزىق تەحنولوگيالاردى قولدانۋ, مينەرالدىق تىڭايتقىشتاردى ەنگىزۋ ناتيجەسىندە اۋىل شارۋاشىلىعى ونىمدەرى 544,2 ميرليارد تەڭگەگە جەتتى.
ەكسپورتتىق الەۋەتتىڭ ارتقانى بايقالادى. ون ايدا ەكسپورت 19,5 پروتسەنتكە مولايىپ, يمپورت كەرىسىنشە 10,2 پروتسەنتكە تومەندەدى. 2200 باس سيىرعا ارنالعان ءتورت تاۋارلى-ءسۇت كەشەنى پايدالانۋعا بەرىلدى. 200 جاڭا جۇمىس ورنى اشىلىپ, 3,3 ميلليارد تەڭگەنىڭ تسيفرلاندىرۋ ەلەمەنتتەرى ەنگىزىلدى.
يندۋستريالىق-يننوۆاتسيالىق دامۋدىڭ مەملەكەتتىك باعدارلاماسىنىڭ ەكىنشى بەسجىلدىعىندا جالپى سوماسى 1,2 ميلليارد تەڭگە بولاتىن بەس جوبا جۇزەگە اسىرىلۋدا. ىشكى جالپى ونىمىندەگى ورتا جانە شاعىن بيزنەستىڭ ۇلەسى بيىل 25,4 پروتسەنت بولدى. ونى 30 پايىزعا جەتكىزۋ كوزدەلگەن. “بيزنەستىڭ جول كارتاسى – 2020” باعدارلاماسىنىڭ 2025 جىلعا دەيىن ۇزارتىلۋى جاڭا 3 مىڭ جۇمىس ورنىن اشۋعا, سالىق بازاسىن 8,5 پروتسەنتكە وسىرۋگە, 80 ميلليارد تەڭگەنىڭ ءونىمىن شىعارۋعا مۇمكىندىك بەرەتىن بولادى.
1600 وتباسى جاڭا قونىسقا كوشتى. بيۋدجەتتىك مەكەمەلەردىڭ 43 مىڭ جانە ەكونوميكانىڭ ناقتى سەكتورىنداعى 101,6 مىڭ قىزمەتكەردىڭ جالاقىلارى وسىرىلەدى. بەس الەۋمەتتىك باستاما اياسىندا شاعىن جانە ورتا بيزنەس سۋبەكتىلەرىنە نەسيە ءبولۋ 2,8 ميلليارد تەڭگەگە جەتتى.
ايماق باسشىسىنىڭ ايتۋىنشا, الەۋمەتتىك-ەكونوميكالىق دامىتۋدىڭ كەشەندى جوسپارىنا سايكەس الداعى جىلدارى بولاشاعى بار 302 ەلدى مەكەندە 3000 تۇرعىن ءۇي پايدالانۋعا بەرىلمەك. پەتروپاۆل قالاسىندا 635 ەسكى ءۇي ءسۇرىلىپ, ەكى مىڭنان استام پاتەر, الەۋمەتتىك نىساندار سالىندى. جاڭادان “جاس وركەن” مەن “سولنەچنىي” شاعىناۋداندارى بوي كوتەردى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
