كاسىپورىن ۇجىمى بۋراباي شيپاجايىنىڭ رەسمي سۋىن وندىرىسكە قوسۋدى كوپتەن بەرى جوسپارلاپ كەلگەن بولاتىن. ءساتى ءتۇسىپ جوبا وسى جىلى جۇزەگە اسىپ وتىر. ايتا كەتسەك, سۋدىڭ ەمدىك قاسيەتتەرى مول. قۇرامى گەرمانيا مەن ۋكراينانىڭ جەتەكشى ينستيتۋتتارىندا زەرتتەلگەن. شيپاجايدىڭ رەسمي سۋىندا مينەرالدى زاتتىڭ 16 ءتۇرى بار. ول جۇرەك-قان تامىرلارى, اس قورىتۋ, تەرى اۋرۋلارىنا ەم. كەلەر جىلدان باستاپ كۋرورتتى ايماقتاعى بارلىق تۋريستىك نىساندا «QULAGER BURABAY» سۋسىنىمەن ەمدەۋ شارالارى جۇرگىزىلمەك.
ءبىر ايتا كەتەرلىگى, بۋراباي ولكەسىنىڭ سۋى تەك كۋرورتتى ايماققا عانا ەمەس, وبلىستىڭ بارلىق تۋريستىك نىساندارىنا دا تاسىمالدانباق. كاسىپورىن مەن وبلىستىق تۋريستىك وپەراتورلار قاۋىمداستىعىنىڭ اراسىندا مەموراندۋمعا قول قويىلدى. سونىمەن قاتار, ەمدىك قاسيەتى بار سۋسىننىڭ قازاقستان مەن الىس-جاقىن شەت ەل ازاماتتارىنا قول جەتىمدى بولۋ ءۇشىن دە مۇمكىندىكتەر جاسالادى. وسىلايشا تاراپتار ەلىمىزدەگى مەديتسينالىق ءتۋريزمدى دامىتۋدى كوزدەپ وتىر.
بايقال ءبايادىل,
«ەگەمەن قازاقستان»
