« ۇلى دالانىڭ رۋحانياتى» اتتى كورمەگە قويىلعان ەڭبەكتەر – ۋنيۆەرسيتەتتىڭ «تاريح, زاڭتانۋ, ونەر جانە سپورت فاكۋلتەتىنىڭ» بەينەلەۋ ونەرى, سىزۋ جانە ديزاين كافەدراسىنىڭ وقىتۋشىلارى مەن ستۋدەنتتەرىنىڭ جۇمىستارى. باستى ماقسات – ەۆرازيا كەڭىستىگىن مەكەندەگەن تۇركى تايپالارىنىڭ الەمدىك وركەنيەتكە قوسقان ۇلەسىن كورسەتىپ, تاريحي سانانى جاڭعىرتۋ, سونىمەن قاتار « ۇلى دالانىڭ جەتى قىرى» ماقالاسىن ستۋدەنت جاستارعا ناسيحاتتاۋ.
كورمە ەلباسى ماقالاسىندا اتاپ وتكەن اتقا ءمىنۋ مادەنيەتى, ۇلى دالاداعى ەجەلگى مەتاللۋرگيا, التىن ادام, تۇركى الەمىنىڭ بەسىگى, ۇلى جىبەك جولى, قازاقستان – الما مەن قىزعالداقتىڭ وتانى, جانە دە تاريحي سانانى جاڭعىرتۋ تارماعىندا ايتىلعان بارلىق ويلار مەن تاپسىرمالار كورىنىس تاپقان.
بايقال ءبايادىل,
«ەگەمەن قازاقستان»
