وبلىس اكىمى ارحيمەد مۇحامبەتوۆ قىسقى پاراليمپيادادا تۇڭعىش رەت قازاقستان قورجىنىنا التىن مەدال سالعان الەكساندر كولياديننىڭ ومىراۋىنا «قۇرمەت» وردەنىن تاقتى. ارحيمەد بەگەجان ۇلى الەكساندردىڭ تابىسى تەك وبلىس ءۇشىن عانا ەمەس, ەلىمىزدىڭ ماقتانىشى بولعانىن ايتتى. مۇنان كەيىن دە 15 سپورتشىلار مەن ولاردىڭ جاتتىقتىرۋشىلارى ماراپاتتالدى.
ايبەك ءبايدىلدينوۆ پرەزيدەنتتىك كوپ سايىستان بيىل الەم چەمپيونى اتاندى.
– سپورتتا جەتىستىككە جەتۋ ءار سپورتشىنىڭ ارمانى, ول ءۇشىن جىل بويى تەر توگەمىز. رەسەيدە وتكەن الەم چەمپيونىندا چەمپيون اتاندىم. الداعى ۋاقىتتا دا جاتتىقتىرۋشىممەن بىرگە ەڭبەك ەتەمىز. 2020 جىلى تاعى دا الەم چەمپيوناتى بولادى, سوندا دا نامىستى قولدان بەرمەۋ كەرەك, – دەيدى ايبەك.
جىلدى تابىسپەن قورىتىندىلاۋ – ءار سپورتشى ءۇشىن ابىروي. وسى ورايدا 2018 جىل قوستانايلىق سپورتشىلار ءۇشىن جۇلدىزدى جىل بولدى دەۋگە بولادى. سپورت ەلدىڭ اتىن شىعارادى, وزگەگە تانىستىرادى. ال سپورتتىڭ بۇقارالىق سيپات الۋى ادامداردىڭ سالاماتتىق ءومىر سالتىن قالىپتاستىرادى.
«سول ءۇشىن وبلىستا كوپتەگەن سپورت نىساندارى سالىنىپ جاتىر. وبلىس ورتالىعىندا جانە وبلىس قالالارىندا, ونىڭ ىشىندە ليساكوۆتا, زاتوبولدا زاماناۋي ستاديوندار سالىنىپ جاتىر. ولار قازىرگى زامانعى سپورت جارىستارى مەن جاتتىعۋلار وتكىزۋ تالاپتارىنىڭ بارلىعىنا جاۋاپ بەرەدى ەلباسى بىرنەشە جىل بۇرىنعى قازاقستان حالقىنا جاساعان جولداۋلارىندا ەلىمىزدە سالاماتتى ءومىر سالتىن قالىپتاستىرۋعا, ول ءۇشىن قازاقستاندىقتاردىڭ بۇقارالىق سپورتپەن اينالىسۋى قاجەتتىگىن, جاعداي جاسالۋىن ايتقان بولاتىن. ءبىز وسى تاپسىرمانى ورىنداپ كەلەمىز» دەدى ارحيمەد بەگەجان ۇلى.
ءنازيرا جارىمبەت,
«ەگەمەن قازاقستان»
قوستاناي
