مەرەيلى مەرەكە قارساڭىنداعى بۇل ءىس- شارانى بالالار كوركەمسۋرەت مەكتەبى يۋنەسكو كلۋبى ۇيىمداستىردى.
مەرەكەلىك سىي رەتىندە, قالا تۇرعىندارىنىڭ نازارىنا ءتۇرلى ءادىس تاسىلمەن ورىندالعان كوز تارتارلىق جۇمىستاردان كورمە ۇسىنىلدى.
شەبەر مۇعالىمدەرىمىز قازىرگى زامانعى سيۋجەتتى كومپوزيتسيا ەلەمەنتتەرىمەن كوللاج, مەحەندي, گراتاج, body art, اپپليكاتسيا, كيىزدەن جاسالعان ەرەكشە شىعارمالاردى جاساپ, كەلگەن قوناقتارمەن كورەرمەندەرگە تارتۋ ەتتى. شاتتىققا تولى مەرەكەلىك باعدارلامامىز ءان مەن بيگە ۇلاستى.
وسى قۋانىشتى ساتتە استانا قالاسىندا وتكەن حالىقارالىق «بالالار الەمدى بەينەلەيدى» جانە «مەن قازاقستاندى بەينەلەيمىن» بايقاۋىنىڭ جۇلدەگەرلەرى ماراپاتتالدى. بالالار كوركەمسۋرەت مەكتەبىنىڭ مەرەيىن ۇستەم ەتىپ, ءوز جەتىستىكتەرىمەن قۋانتىپ جۇرگەن تالانتتى جەڭىمپازدارىمىز جەڭىستەرىن تاۋەلسىزدىك مەرەكەسىنە ارنادى. دارىندى سۋرەتشىلەرىمىزدى سىيلىقتارمەن قۋانىشقا بولەگەن شىمكەنت قالاسى مادەنيەت جانە تىلدەردى دامىتۋ باسقارماسىنىڭ ۇجىمى. بالالار كوركەمسۋرەت مەكتەبىنىڭ ديرەكتورى ورازوۆا توياش بالتاقاراقىزى بالالاردى جارقىن جەڭىستەرمەن قۇتتىقتاپ, ەلدىڭ يگىلىگى ءۇشىن جاڭا بيىكتەرگە جەتە بەرۋلەرىنە ىزگى تىلەگىن جەتكىزدى.
جەڭىمپازدارىمىزدىڭ جەتەكشىلەرىنە العىس ءبىلدىرىپ, اتا-انالاردى قۇتتىقتادى. ءار اتا-انا ءۇشىن بالاسىنىڭ العاشقى كىشكەنتاي جەتىستىكتەرى مەن جەڭىستەرىن كورۋ ۇلكەن باقىت. جۇرەكتەرى قۋانىشقا تولىپ ءماز مەيرام بولعان اتا-انالار مەن كەلگەن قوناقتار جانە كورەرمەندەر ونەرپازداردىڭ قۋانىشتارىنا ورتاقتاسىپ, ىستىق ىقىلاستارىن ءبىلدىردى.
ونەر-ارقاشان دا ءومىردىڭ ءبىرتۇتاس بولىگى. ال, ءبىز ءوز تاراپىمىزدان ونەر وشاعىمىزدىڭ شىعارماشىل دارىندارىنا تابىس تىلەيمىز.
گۋلنارا كۋليەۆا
