جەلتوقسانشىلارعا كوشە اتتارى بەرىلسە

تاۋەلسىزدىگىمىزدىڭ تاريحي قادامدارى جەلتوقسانعا دەمو­كراتيالىق, حالىقارالىق ستاندارت بويىنشا جاڭاشا, شىنايى ساياسي, قۇقىقتىق باعا بەرۋدi قاجەت ەتەدi.

قازاقستانداعى جەلتوقسان كوتەرiلiسi جاڭا تاۋەلسiز مەم­لەكەتتەردiڭ قۇرىلۋىنا اكەلگەن, سوتسياليستiك لاگەردiڭ قۇلاۋىنا سەبەپشi بولعان, حالىقتاردىڭ ەركiندiكتi اڭساۋ جولىنداعى سەر­پiلiس جاساۋىنىڭ نەگiزiن قالادى. كوتەرىلىس ەلىمىزدىڭ بار­لىق اي­ماق­­تارىنداعى سياقتى, اق­مولا مەن كوكشەتاۋدا دا بوي كور­سەتتى. توتاليتارلىق قوعام سو­تسيا­ليستىك جۇيەنىڭ سالتاناتىن بارىنشا قورعاپ قالۋعا جانتالاستى, اياۋسىز باسىپ-جانشۋ سايا­ساتىن ۇستاندى. مىسالى, 17-25 جەلتوقسان ارالىعىندا عانا ىشكى ىستەر بولىمدەرىنە 83 ستۋدەنت, 1168 جۇمىسشى, 49 قىزمەتكەر, 164 ۋچيليششە وقۋشىسى, 102 جۇ­مىسسىز, 1214 كومسومول, 54 پار­تيا مۇ­شەسى توعىتىلدى. قاي­رات رىسقۇلبەكوۆ, ەربول سى­پا­تاەۆ سياق­تى قايسار قاھارمان­دار قىر­شىن كەتتى.

ازاتتىق جولىندا قۇربان بول­عان جاستاردىڭ اتىن ماڭگىلىك ەستە قالدىرۋ شارالارى ەلىمىزدە كەڭىنەن جۇرگىزىلۋدە جانە جۇر­گىزىلە بەرەتىنى انىق. وسى وراي­دا سوڭعى جىلدارى كوك­شەتاۋدا كوشە اتاۋلارى ەلىمىزگە ەڭبەگى سىڭ­گەن تۇلعالاردىڭ ەسىمى­مەن اتالا باس­تاعانىن ايتا وتىرىپ, «جەلتوقسانشىلارعا» دا بەت­ بۇرۋ قاجەتتىگىن ەسكە سال­عى­مىز كەلەدى. كوكشەتاۋدا ايگىلى «مو­لو­دايا گۆارديا» ورەندەرى ولەگ كو­شە­ۆوي, ليۋبوۆ شەۆ­تسوۆا, سەرگەي تيۋلەنين, ۋليانا گرو­موۆا اتىن­داعى كوشەلەر بار.­ ولاردىڭ بار­لىعى كە­ڭەس وداعىنىڭ باتىرى اتا­عىن­ العاندار. بۇلار­دىڭ تا­ريح­ قويناۋىنداعى ساياسي­ قىز­مە­تى اياقتالعان دەپ ەسەپ­تەي­­مىز. بۇگىندە ءوز «جەلتوق­سان­­شىلارىمىزدىڭ», الدىمەن قايرات رىسقۇلبەكوۆ پەن­ ەربول سىپاتاەۆتىڭ ەسىم­­دەرىن كوشەلەرىمىزگە بەر­­سەك, بار­شامىزدىڭ, اسىرەسە جاستاردىڭ بويىندا وتانسۇيگىشتىك, ماق­تا­نىش سەزىمى الاۋلاپ تۇرا­تىنى ايتپاسا دا تۇسىنىكتى.

باقبەرگەن امالبەك,

قازاقستاننىڭ قۇرمەتتى ءجۋرناليسى

كوكشەتاۋ