ولاي دەيتىنىمىز, بيىل تۇركىستان وبلىسىندا «تۋعان جەر» ارنايى جوباسى بويىنشا دەمەۋشىلەردىڭ كومەگىمەن 97 نىسان ىسكە قوسىلدى. ولاردىڭ 28-ءى ءبىلىم مەكەمەلەرىنىڭ قۇرىلىسى بولسا, 3 عيمارات قايتا جوندەۋدەن وتكىزىلگەن. سونىمەن بىرگە, 2 مەديتسينا مەكەمەسى, 12 سپورت نىسانى اشىلىپ, 2 سپورت الاڭى جوندەلدى. مادەنيەت سالاسىندا 15 نىسان پايدالانۋعا بەرىلىپ, 5-ءۋى قايتا جوندەۋدەن وتكىزىلسە, اباتتاندىرۋ بويىنشا 30 جوبا ىسكە اسىرىلعان. وسىلايشا كاسىپكەرلەر ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا ايتىلعان باستامانى جۇزەگە اسىرىپ وتىر. «قازاق «تۋعان جەرگە تۋىڭدى تىك» دەپ بەكەر ايتپاعان. پاتريوتيزم كىندىك قانىڭ تامعان جەرىڭە, وسكەن اۋىلىڭا, قالاڭ مەن وڭىرىڭە, ياعني تۋعان جەرىڭە دەگەن سۇيىسپەنشىلىكتەن باستالادى. سول سەبەپتى, مەن «تۋعان جەر» باعدارلاماسىن قولعا الۋدى ۇسىنامىن», - دەگەن بولاتىن مەملەكەت باسشىسى باعدارلامالىق ماقالادا.
بۇگىندە جومارت كاسىپكەرلەردىڭ دەمەۋشىلىگىمەن پايدالانۋعا بەرىلگەن نىساندار ەل يگىلىگىنە قىزمەت ەتىپ جاتىر. ماسەلەن, وتىرار اۋدانىندا قۇنى 248 ملن. تەڭگەنى قۇرايتىن سپورت كەشەنى مەن بوكس زالى جاستارعا ەسىگىن ايقارا اشتى. ال, بايدىبەك اۋدانىندا 14,3 شاقىرىم جولعا «اقىلدى شام» جەلىسى ورناتىلعان. بۇل يگى ىسكە دەمەۋشى كاسىپكەر 195 ملن. تەڭگە جۇمساعان. قازىعۇرت اۋدانىنداعى قۇنى 100 ملن. تەڭگە قۇرايتىن سالقام جاڭگىر حان مەن ءجالاڭتوس باھادۇرگە ارنالعان مەموريالدىق كەشەنى, كەنتاۋ قالاسىنداعى قۇنى 80 ملن. تەڭگە جانە سارىعاش اۋدانىنداعى قۇنى 50 ملن. تەڭگە بولاتىن سپورت كەشەندەرى دە ەلگە قىزمەت ەتۋدە. تولەبي اۋدانىندا اشىلعان «كازمەد» مەديتسينالىق ورتالىعى, سايرام اۋدانىندا 125 ورىندىق بالاباقشا جانە وزگە دە الەۋمەتتىك نىساندار تۋعان جەرىن سۇيەتىن كاسىپكەرلەردىڭ كومەگىمەن سالىنعان.
عالىمجان ەلشىباي,
«ەگەمەن قازاقستان»
تۇركىستان وبلىسى.
