تۇرعىندارمەن تىكە بايلانىس بارىسىندا تولعاندىرعان ساۋالدارعا جاۋاپ بەرىلدى.
ايماق باسشىسى قۇمار اقساقالوۆتىڭ قابىلداۋىنا كەلگەن سولتۇستiكقازاقستاندىقتار ارىز-شاعىمدارىن ايتىپ, وڭ شەشىم تابۋىنا ىقپال ەتۋىن ءوتىندى. كەلۋشىلەردى تۇرعىن-ءۇي كوممۋنالدىق شارۋاشىلىق, اباتتاندىرۋ, باسپانا, ساياجاي ماسەلەلەرى كوبىرەك تولعاندىراتىن بولىپ شىقتى. كوپ بالالى انا اقبيكە مەڭدىباەۆا ماعجان جۇماباەۆ اۋدانىنان ات سابىلتىپ كەلىپتى. ول جوعارعى وقۋ ورنىندا وقيتىن قىزىنىڭ وقۋ اقىسىن تولەي الماي قينالىپ ءجۇر ەكەن. سقمۋ باسشىلىعى وتباسىعا جەڭىلدىك جاسايتىن بولدى. پەتروپاۆل قالاسىنىڭ تۇرعىنى گۇلميرا ەسەنتەمىروۆا كوپ قاباتتى ءۇيدىڭ جەرتولەسىن كوكتەمدە سۋ باسىپ كەتەتىنىنە, ناقتى شارا قولدانىلمايتىنىنا رەنىشىن ءبىلدىردى. قۇمار ىرگەباي ۇلى قاجەت بولسا درەناج جۇيەسى ورناتىلاتىنىن ايتتى.كلاۆديا تەميروۆا مۇگەدەكتەر قوعامىنا قاراستى عيماراتتى جوندەۋگە كومەك سۇرادى.
اشىق قابىلداۋعا قوعامدىق ۇسىنىستارمەن كەلگەن ادامدار دا از بولمادى. ماسەلەن, جەرگىلىكتى كومپانيا وكىلدەرى بۋ تامشىلارى تەحنولوگياسىن قۇرىلىس سالاسىندا قولدانۋدى ۇسىندى. بۇل تەحنولوگيا ەنەرگيانى ۇنەمدەۋگە ۇلكەن كومەگىن تيگىزبەك. يننوۆاتسيالىق يدەيانى ءوڭىر باسشىسى قولدادى.
ايماق باسشىسى 27 تۇرعىندى جەكە قابىلداپ, ايتىلعان ماسەلەلەردى جەكە باقىلاۋىنا الاتىنىنا سەندىردى. بارلىعى 135 سولتۇستىكقازاقستاندىق قوعامدىق قابىلداۋدا بولىپ, -ءوتىنىش-تىلەكتەرىن ەركىن, اشىق جەتكىزۋگە مۇمكىندىك الدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
