زيالى قاۋىم وكىلدەرى پرەزيدەنتتىڭ « ۇلى دالانىڭ جەتى قىرى» ماقالاسىن تالقىلاپ, ادەبي قاۋىمنىڭ الدىندا تۇرعان كەلەلى ماسەلەلەردى ورتاعا سالدى. پلەنۋمدا بايانداما جاساعان قازاقستان جازۋشىلار وداعىنىڭ باسقارما توراعاسى ۇلىقبەك ەسداۋلەت پرەزيدەنت ماقالاسىنىڭ ءمان-ماڭىزىنا, قۇندىلىعىنا توقتالدى. ء«بىز وتارشىلدىقتىڭ قيىن-قىستاۋىنان وتكەننەن كەيىن, ءوزىمىزدىڭ تاريحىمىزعا ءوزىمىز قولىمىز جەتپەي ءزارۋ بولىپ كەلگەن ەلمىز. قادىر مىرزاليەۆ اعامىزدىڭ: ء«بىزدىڭ تاريح بۇل-داعى قالىڭ تاريح, وقۋلىعى جۇپ-جۇقا بىراق-تاعى» دەيتىن سوزىندە ۇلكەن شىندىق بارىن قايتالاپ ايتۋدان جالىقپايمىز. سەبەبى, بىزگە ءوز تاريحىمىزدى وقىتپاي, وزىمىزدەن جاسىرىپ, بىرنەشە ۇرپاقتىڭ باسقا ۇلتتاردىڭ, وزگە مەملەكەتتەردىڭ تاريحىن ءوز تاريحىمىزدان گورى جەتىك ءبىلىپ كەلگەنىمىز جاسىرىن ەمەس.
ءبىز 16 عاسىردان 19 عاسىرعا دەيىن جەر بەتىنەن ۇلى دالانى قورعاۋ كەزەڭىندە, ۇلت رەتىندە جويىلىپ كەتپەس ءۇشىن جان-جاقتان انتالاعان جاۋلارمەن قاندى سوعىس جۇرگىزە ءجۇرىپ, كوپ قالالارىمىزدان, مادەني مۇرالارىمىزدان, ەجەلگى كونە جەتىستىكتەرىمىزدەن ايىرىلدىق, ودان بەرگى ۋاقىتتا بوستاندىعىمىز شەكتەلىپ, تاريحي-وركەنيەت جولىنداعى دامۋىمىزدى توقتاتىپ الدىق... اينالىپ كەلگەندە, مويىندالماي كەلگەن دۇنيەلەردى وسى ماقالا يگەرۋگە, مەنشىكتەنۋگە, ۇيرەنۋگە, كەلەشەك ۇرپاققا ءوزىمىزدىڭ تاريحى قانشالىقتى تەرەڭ ۇلت ەكەنىمىزدى تانىتىپ, وزگە ەلدەرگە دالەلدەپ, نەگىزدەپ بەرۋگە جول اشىپ وتىر» دەپ اتاپ ءوتتى ۇلىقبەك ورازباي ۇلى.
بيىلعى جىلدىڭ 9 ايىندا اتقارىلعان ىستەرمەن كوپشىلىكتى تانىستىرۋمەن بايانداماسىن جالعاستىرعان وداق باسشىسى وسى مەرزىم ىشىندە قازاق جازۋشىلارىنىڭ ەڭبەكتەرىن ناسيحاتتاپ, رۋحاني, مادەني, الەۋمەتتىك تۇرعىدا اتقارىلعان شارالاردى ءتىزىپ ءوتتى. ەندىگى كەزەكتە جازۋشىلار وداعى زاماناۋي كەزەڭنىڭ جاڭاشىل تالاپتارىن يگەرىپ, قازاق ادەبيەتىن الەمدىك دەڭگەيدە ناسيحاتتاپ, جاس قالامگەرلەردى قولداۋ باعىتىندا تىڭ باستامالاردى قولعا الاتىن بولادى.
وسى پلەنۋم اياسىندا توراعانىڭ ءبىرىنشى ورىنباسارى اقبەرەن ەلگەزەك قالامگەرلەر قاۋىمىن وداق جارعىسىنىڭ جوباسىمەن تانىستىرىپ, الداعى جۇمىس ءتارتىبىنىڭ رايىنان حاباردار ەتتى.
پلەنۋم جۇمىسى ارى قاراي ادەبيەت وكىلدەرىنىڭ پرەزيدەنت ماقالاسىنا وراي ايتىلعان پىكىرلەرى مەن وداق جۇمىسىنىڭ ماڭىزدىلىعى تۇرعىسىنداعى ەركىن ويلارمەن جالعاسىن تاپتى.
ەلۆيرا سەرىكقىزى,
«ەگەمەن قازاقستان»
الماتى
