فيزيكا زاڭدىلىقتارىن ساقتاي وتىرىپ, ساياحاتقا بەيىمدەلگەن «فيزيكاداعى كوميكس» ارقىلى بالالار قازاقستان بويىنشا ساياحات جاساپ, ەلىمىزدىڭ كوركى كوزدىڭ جاۋىن الاتىن ەرەكشە ايماقتارىمەن تانىسا الادى.
جوبا ۇيلەستىرۋشىسى نۇرسۇلتان نۇرمۋحانوۆ ايتۋىنشا, بالالار ءۇشىن قىزىقتى بولادى دەگەن ماقساتتا ياكوۆ پەرەلماننىڭ «زانيماتەلنايا فيزيكا» جۇمىسى نەگىزگە الىنعان. جوبادا بالالار ءتۇرلى وقيعالارعا تاپ بولا وتىرىپ, كۇندەلىكتى ءومىردىڭ ءار مينۋتىندا كەزدەسەتىن فيزيكا زاڭدىلىقتارىمەن تانىسا الادى.
ءوز پىكىرىمەن بولىسكەن كوميكس سيۋجەتىنىڭ اۆتورى جانە قۇراستىرۋشىسى, Khan Comics ستۋدياسىنىڭ نەگىزىن قالاۋشى ورازحان جاكۋپ «عىلىمدى جاسوسپىرىمدەر ەكشنىنا اينالدىرا وتىرۋدى ماقسات ەتە وتىرىپ, ستسەناري قۇراستىردىق. تاپسىرما قىزىقتى بولعانىمەن, بىزدەر ءۇشىن سىن تەگەۋرىنىنە تۇسۋگە تۋرا كەلدى. ياعني, قۇرعاق فورمۋلالاردى تالعامپاز اۋديتوريانى قىزىقتىراتىنداي سيۋجەت ويلاپ تابۋعا تىرىستىق. توپتامانىڭ باس سۋرەتشىسى -دانيار ورىنباەۆ, ال شىعارىلىمدارمەن بىرنەشە كولوريستتەر جۇمىس جاسادى. قازىرگى تاڭدا 4-ءشى شىعارىلىمنىڭ سۋرەتىن سالىنۋدا. ستسەنەري بار توپتاماعا تولىقتاي جازىلىپ قويعان. بارلىعى 10 نومىردەن تۇراتىن بولادى»,- دەيدى .
«فيزيكا كوميكستە» العاشقى شىعارىلىمى مەملەكەتتىك جانە ورىس تىلدەرىندە 2000 دانا تارالىممەن باسىپ شىعارىلىپ, تارالىم جارتىلاي الماتى مەكتەپتەرىنە ۇلەستىرىلەتىن بولادى.
ەلۆيرا سەرىكقىزى,
«ەگەمەن قازاقستان»
الماتى
