ءبىرىنشى كەزەڭدە «بارىس ارەناعا» جينالعان 4 048 كورەرمەن ءبىر عانا سوعىلعان شايبانىڭ كۋاسى بولدى. ول گولدى قوناقتاردىڭ ويىنشىسى ستەپان ساننيكوۆ سالدى. ۇزىلىستەن كەيىن رومان ستارچەنكو تارازى باسىن تەڭەستىرگەن ەدى, كوپ ۇزاماي ەگور اۆەرين «لوكوموتيۆتى» قايتا العا شىعاردى. ءۇشىنشى تايمدا تابلدوداعى ەسەپ وزگەرگەن جوق. وسىلايشا, بۇل باسەكەدە 2:1 ەسەبىمەن ياروسلاۆلدىك حوككەيشىلەر جەڭىسكە جەتتى.
باسەكەنىڭ اياقتالۋىنا بەس مينۋت قالعاندا «بارىستىڭ» ساپىنداعى 28 جاستاعى كانادالىق لەگيونەر پاتريس كورمە مەن 23 جاستاعى قوناقتاردىڭ قورعاۋشىسى نيكيتا چەرەپانوۆتىڭ اراسىندا كيكىلجىڭ شىعىپ, ەكەۋى ءبىر-بىرىنە جۇدىرىقتارىن الا جۇگىردى. بىراق توبەلەس ۇزاققا سوزىلمادى. قارسىلاسىن ءبىر عانا سوققىمەن ۇرىپ جىققان كورمە ونىڭ بەتىن قانعا تبايادى.
قحل-دىڭ تۇراقتى بىرىنشىلىگىنىڭ جارىس كەستەسىندە قازىر «بارىس» 8-ورىندا كەلەدى. 39 ويىننان كەيىن ولار 54 ۇپاي جيدى. ەندى استانالىق حوككەيشىلەر ءوزىنىڭ كەلەسى كەزدەسۋىن 24-جەلتوقساندا ءوز ايدىنىندا ۆلاديۆوستوكتىڭ «ادميرالىنا» قارسى وتكىزەدى.
عالىم سۇلەيمەن,
«ەگەمەن قازاقستان»
