توپولوگيانى الەمدىك دەڭگەيدە زەرتتەپ جۇرگەن جاس دارىننىڭ تالابىنا تابىس تىلەپ سۇيىنشىلەۋىمىزدىڭ ءجونى بار. ولاي دەيتىن سەبەبىمىز, ماتەماتيكانىڭ اتالعان بولىمىندە ۇلكەن جەتىستىككە جەتىپ ۇلگەرگەن اقنازار – نازارباەۆ زياتكەرلىك مەكتەپتەرىنىڭ 10 جىلدىق مەرەيتويىنا ارنالعان « ۇلى دالا مۇراگەرلەرى» فورۋمىندا ەلباسىدان باتا العان وقۋشى. ءوزىنىڭ عىلىمي جۇمىسىن مەملەكەت باسشىسىنىڭ الدىندا بايىپپەن ساۋاتتى تانىستىرىپ شىققان اقنازارعا پرەزيدەنت سول كەزدە-اق گارۆارد ۋنيۆەرسيتەتىنە تۇسەتىنىنە سەندىرگەن بولاتىن.
قازاقستاندىق ۆۋندەركيندتى گارۆاردقا فيزيكا مەن ماتەماتيكادان ۇيىمداستىرىلعان الەمدىك بەدەلدى وليمپيادالارداعى جەڭىستەرى باستاپ باردى دەۋگە بولادى. كۇنى كەشە اقنازار حالىقارالىق ەمتيحانداردا تاڭعالارلىق ناتيجە كورسەتتى. ACT مەن SAT Subject Tests, ەڭ جوعارعى – 36 دان 36 جانە 2400 دەن 2400 ۇپاي الدى. گارۆارد ۋنيۆەرسيتەتىنىڭ https://college.harvard.edu سايتىنداعى اقپارات بويىنشا وقۋعا تۇسكەندەردىڭ تورتتەن ءبىر بولىگى ACT-دان 33 بالل السا, قالعان 75%-ى 35 ۇپاي جيناعان.
ەلىمىزدىڭ تاۋەلسىزدىك كۇنى قارساڭىندا ا.قاجىمۇراتتىڭ جەتىستىگى بارشا زياتكەرلىك مەكتەپتەر جۇيەسى ءۇشىن سىي بولدى. دارىندى وقۋشى اتالعان اسپيرانتۋرانى اياقتاعاننان سوڭ قازاقستاندا عىلىممەن اينالىساتىندىعىن ايتادى.
1636 جىلى قۇرىلعان اقش-تىڭ كونە وقۋ ورنىنا شاكىرت بولعان اقنازارعا الار اسۋلارىڭ الاسارماسىن دەيمىز.
ميراس اسان,
«ەگەمەن قازاقستان»
