ۇلتتىق كىتاپحانا ديرەكتورىنىڭ ورىنباسارى باقىتجامال وسپانوۆا بۇگىندە رۋحانيات ورداسىنىڭ دەرەكقورىندا اسقار سۇلەيمەنوۆتىڭ 300-دەن استام كىتاپتارى ساقتالعاندىعىن ءارى وسىناۋ قۇندى كىتاپتاردىڭ جاستار اراسىندا زور سۇرانىسقا يە ەكەندىگىن جەتكىزدى.
ەسكە الۋ كەشىن جۇرگىزگەن جازۋشى, پۋبليتسيست بەيبىت قويشىباەۆ اسا كورنەكتى جازۋشى, ويشىل, دراماتۋرگ اسقار سۇلەيمەنوۆتىڭ ادەبيەتكە 60-جىلدارى كەلۋى ەركىندىك اڭساعان, جاڭالىققا قۇمار جاستاردىڭ ادەبيەتكە جاڭاشا قاراۋعا كىرىسكەن كەزەڭىمەن تۇسپا-تۇس كەلگەنىن جەتكىزدى. «ول كەزدە جوعارى وقۋ ورىنىن دا اسپيرانتۋرانى دا تامامداپ ۇلگەرىپ, سىندى وتكىر جازاتىندىعىمەن كوزگە ءتۇستى. سوناۋ سوزاقتان شىعىپ ورىس ءتىلىن ەركىن مەڭگەرگەندىگىمەن, وتكىر ويلار, پىكىرلەرىمەن زيالى قاۋىمدى ەلەڭ ەتكىزگەن ەدى. ال سول كەزدە ء«تۇر تۋرالى بىرەر ءسوز» اتتى ماقالاسى دا بىردەن ادەبي ورتانىڭ نازارىن اۋداردى» دەپ اتاپ ءوتتى. ال اكادەميك ومىرزاق ايتباي ۇلى سوناۋ ءبىر العاش كەزەڭدەگى ەرەكشە ءبىر دوستىقتىڭ كۋاسى بولعان جىلداردى ەسىنە الدى. «بىزدەردى تابىستىرعان دومبىرا ەدى. قازاقتىڭ قارا دومبىراسىنا, كۇيلەرىنە وسىنشاما عاشىق بولعان جاندى مەن كورگەن ەمەسپىن. ءتۇن تەرەڭىندە تەلەفون شالىپ «ساعىندىم... قوسباسارمەن تەسمىرتاستى تىڭداعىم كەلەدى دەيتىن. وسىلايشا بىزدەر تاڭ بوزىنا دەيىن قازاقتىڭ كۇي مەن جىرىن تىڭداۋشى ەدىك», دەدى عالىم.
اسقار سۇلەيمەنوۆتىڭ ادامي بولمىسى, ادەبيەتتەگى ايشىقتى ورنى تۋرالى مۇرات اۋەزوۆ, سماعۇل ەلۋباەۆ, زاكىر اساباەۆ, مامبەت قويگەلدى, نۇكەتاي مىشباەۆا, دوسقان جولجاقسىنوۆ, ديدار امانتتاي, ءاليا بوپەجانوۆا, ت.ب. عالىمدار مەن قالامگەرلەر, ونەر قايراتكەرلەرى ەرەكشە تولعانىستى ەستەلىكتەر ايتىپ, قالام تەربەۋدەگى سونى ەرەكشەلىكتەرىنە توقتالسا, جازۋشىنىڭ قىزى قاراشاش اسقارقىزى وسىناۋ ادەبي ورتادا وسكەندىگى مەن اكەگە دەگەن ساعىنىشىن جەتكىزىپ, قالىڭ ەلى قازاعىنىڭ اسقارداي الىپ تۇلعانى وسىلاي دارىپتەپ, ەسكە الىپ وتىرعاندىعىنا زور العىسىن ءبىلدىردى.
ەلۆيرا سەرىكقىزى,
«ەگەمەن قازاقستان»
الماتى
