جيىن بارىسىندا باعدارلامانىڭ اياسىندا قول الىنعان جوبالاردىڭ جۇزەگە اسۋ بارىسى جايىندا ەگجەي-تەگجەيلى اڭگىمە بولدى. بۇل ورايدا, جانعا جاعىمدى جاڭالىق تا جوق ەمەس. وبلىستىق ىشكى ساياسات باسقارماسى «SMART رۋحاني اقمولا» ءموبيلدى قوسىمشاسىن ىسكە قوسىپ وتىر. ءموبيلدى قوسىمشانى جۇكتەگەن ادام مادەنيەت, قايىرىمدىلىق جانە مەتسەناتتىق تۋرالى, وڭىردەگى تاريحي تۇلعالار ارقىلى مالىمەتتەردى جەدەل ءارى تولىق الا الادى. ءسوز اراسىندا قازاقستاندا مۇنداي قوسىمشانىڭ ازىرگە بالاماسى جوق ەكەندىگىن دە ايتا كەتكەنىمىز وڭ بولار.
–مۇنداي مۇمكىندىك قاسيەتتى كوكشە دالاسىن ەركىن ارالاپ, تىلسىم تاريحتى تۇمشالاپ جاتقان كيەلى جەرلەرمەن تەرەڭىرەك تانىسۋعا مول مۇمكىندىك بەرمەك,–دەيدى وبلىستىق ىشكى ساياسات باسقارماسىنىڭ باسشىسى گۇلجانار شوكەەۆا.
جيىن بارىسىندا وبلىستىڭ «ينتەراكتيۆتى كارتاسى» جوباسىنىڭ تۇساۋكەسەرى دە وتكىزىلدى.
–كارتانىڭ نەگىزگى ماقساتى كاسىپكەرلەر مەن تۇرعىندارعا بوس جاتقان جەر تەلىمدەرىن كورسەتۋ. ازىرگە تۇسكەن مالىمەتتەرگە قاراعاندا, وبلىس ورتالىعىندا 23, ال, وبلىس بويىنشا 379 بوس جەر تەلىمى ەنگىزىلىپ وتىر,–دەيدى «Kazakhstan Innovation» قوعامدىق قورىنىڭ جەتەكشىسى ءماريام ابىشەۆا.
بۇگىندە مەملەكەتتى قىزمەت تۇرلەرىن اۆتوماتتاندىرۋ بارىسىندا دا بىرقاتار جۇمىستار جۇزەگە اسىرىلۋدا. مىسال ءۇشىن ايتا كەتەيىك, وڭىردەگى 24 حالىققا قىزمەت كورسەتۋ ورتالىقتارىندا كورسەتىلەتىن 195 مەملەكەتتىك قىزمەتتىڭ 93-ءى اۆتوماتتاندىرىلعان.
بايقال ءبايادىل,
«ەگەمەن قازاقستان»
اقمولا وبلىسى
