ماراپاتتاردى «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ تاپسىردى.
ماراپات يەلەرىن قۋانىشتارىمەن قۇتتىقتاعان «نۇر وتان» پارتياسى توراعاسىنىڭ ءبىرىنشى ورىنباسارى تاۋەلسىزدىك كۇنىنىڭ ءمانى مەن ماڭىزىنا نازار اۋداردى. سونداي-اق ول ەگەمەندىكتىڭ 27 جىلىندا ەلىمىزدىڭ بارلىق سالادا اۋىز تولتىرىپ ايتارلىقتاي جەتىستىكتەرگە قول جەتكىزگەنىن, ەلباسى ساياساتىنىڭ ارقاسىندا قازاقستاننىڭ الپاۋىت ەلدەرمەن تەرەزەسى تەڭ, الەمدىك قاۋىمداستىقتا ابىروي-بەدەلگە يە مەملەكەت بولىپ قالىپتاسقانىن ايتتى.
«پاراسات» وردەنىمەن «نۇر وتان» پارتياسى باتىس قازاقستان وبلىستىق فيليالى توراعاسىنىڭ ءبىرىنشى ورىنباسارى سەرىك سۇلەيمەن ناگرادتالدى. ودان بولەك, بەلسەندى نۇروتاندىقتار «قۇرمەت» وردەنىمەن, «ەرەن ەڭبەگى ءۇشىن» مەدالىمەن, قازاقستان رەسپۋبليكاسىنىڭ قۇرمەت گراموتاسىمەن, «استاناعا – 20 جىل» مەرەيتويلىق مەدالىمەن, «بەلسەندى قىزمەتى ءۇشىن» توسبەلگىسىمەن «نۇر وتان» پارتياسىنىڭ «قۇرمەت» گراموتاسىمەن ماراپاتتالدى.
جالپى, مەرەكە كۇندەرى «بەلسەندى قىزمەتى ءۇشىن» توسبەلگىسىمەن – 61, «قۇرمەت» گراموتاسىمەن 111 نۇروتاندىق ناگرادتالدى. ولاردىڭ قاتارىندا ءماجىلىس دەپۋتاتتارى, ورتالىق اپپارات پەن پارتيا تاراپىنان قۇرىلعان مەكەمەلەردىڭ قىزمەتكەرلەرى, ايماقتىق جانە اۋماقتىق پارتيا فيليالدارىنىڭ وكىلدەرى بار, دەپ حابارلادى «نۇر وتان» پارتياسىنىڭ ءباسپاسوز قىزمەتى.
