«تاۋەلسىزدىك - قاستەرلى ۇعىم! ءبىزدىڭ ەلىمىز ءۇشىن ەگەمەندىكتىڭ قۇنى ەرەكشە قىمبات. تاۋەلسىزدىك - اتا – بابامىزدىڭ ارمانى, سان عاسىرلار بويعى حالقىمىزدىڭ كورگەن قيىندىعىنىڭ, ازابىنىڭ وتەۋى. بۇگىنگى ۇرپاققا كەڭ بايتاق دالامىز, ايدىن كولدەرىمىز, كوك ورماندارىمىز, اسقار تاۋلارىمىز ميراس بولدى. تاۋەلسىز مەملەكەتىمىزدىڭ ىرگەسىن كوتەرۋگە, ەلىمىزدىڭ تىنىشتىعىن ساقتاپ, زور ۇلەس قوسقان ەلباسىمىز نۇرسۇلتان نازارباەۆ: «بۇل كۇن – ۇرپاقتاردىڭ ۇلى ارمانى ورىندالعان وردالى تويى, مەرەيلى دە مارتەبەلى مەرەكەسى. تاۋەلسىزدىك – حالىقتىڭ جالعىز باقىتى. تاۋەلسىزدىك پەن تەڭدىك, ازاتتىق پەن ەلدىك قاي حالىق ءۇشىن دە ءدامى بالداي, مارتەبەسى تاۋداي اسىل ۇعىمدار بولىپ سانالادى. مىڭجىلدىقتار توعىسار تۇستا تاۋەلسىزدىك تاڭىن كورۋ باقىتى بۇگىنگى قازاقستاندىقتاردىڭ ماڭدايىنا جازىلدى», دەدى اتاقتى كينواكتريسا قۇتتىقتاۋ سوزىندە.
سالتاناتتى جيىندا جەرلەسىمىزدىڭ قازاقستاننىڭ ەڭبەك سىڭىرگەن قايراتكەرى اتاعىنا يە بولىپ, جوعارى ماراپاتتى ەلباسىنىڭ قولىنان العانى ەرەكشە اتاپ ءوتىلدى. وبلىس اكىمى قۇمار اقساقالوۆ قازاقستاننىڭ اتاعىن تورتكۇل دۇنيەگە تانىتقان سامالعا گۇل شوعىن تابىس ەتتى.
قازاقستاندىق جۇلدىزدارى مەن وبلىستىڭ شىعارماشىلىق ۇجىمدارىنىڭ قاتىسۋىمەنوتكەن مەرەكەلىك كونتسەرتتە سامال ەسلاموۆا بەلگىلى سپورتشى مارگاريتا مۋكاشەۆامەن قوسىلىپ ابايدىڭ «جەلسىز تۇندە جارىق اي» ءانىن تامىلجىتا شىرقادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
