2018 جىلى تاەكۆوندودان قازاقستان ۇلتتىق قۇراماسى 10 وقۋ جاتتىعۋ-جيىنىن وتكىزدى. ونىڭ سەگىزى ەل اۋماعىندا وتسە, ەكەۋى شەتەلدە جوسپارلاندى. قاراشانىڭ 13-21 ارالىعىندا دۋبايدا ء(باا) وتكەن وقۋ-جاتتىعۋ جيىنىنا 10 سپورتشى مەن 4 جاتتىقتىرۋشى قاتىسقان.
بيىل تاەكۆوندوشىلار 15 حالىقارالىق جارىسقا قاتىسىپ, جالپى ەسەبى 20 التىن, 20 كۇمىس جانە 27 قولا مەدال جەڭىپ الدى.
سپورتشىلاردىڭ جازعى ازيا ويىندارىنداعى جەتىستىگىن اتاپ وتپەۋگە بولمايدى. جازعى ازيا ويىندارىندا قازاقستان تاەكۆوندوشىلارى بۇرىن-سوڭدى بولماعان كورسەتكىشكە قول جەتكىزىپ, 5 مەدال يەلەندى. اتاپ ايتار بولساق, دەنيز جانسەل مەن رۋسلان جاپاروۆ كۇمىسكە قول جەتكىزسە, نۇرلان مىرزاباەۆ, ەراسىل قايىربەك جانە فاريزا الدوڭعاروۆا قولا مەدال تاعىندى.
2018 جىلعى ماۋسىمدا قازاقستان اۋماعىندا تاەۆوندودان 13 ءىرى جارىس وتكىزىلدى. ونىڭ ىشىندە مۇستافا وزتۇرىكتى ەسكە الۋعا ارنالعان حالىقارالىق جارىس, استانانىڭ 20 جىلدىعىنا ارنالعان Astana Open حالىقارالىق ءتۋرنيرى, ازيانىڭ ءبىرىنشى اشىق چەمپيوناتى سىندى ءدۇبىرلى دودالار بار.
ۆەتنامنىڭ حوشيمي قالاسىندا وتكەن ازيا چەمپيوناتىندا سمايىل دۇيسەباي چەمپيون اتانسا, رۋسلان جاپاروۆ كۇمىس, ايتۋار شايكەنوۆ پەن مەرەكە ءجۇنىسوۆا قولا مەدالعا يەلىك ەتتى. اتالعان سپورتشىلارعا قازاقسان ۇكىمەتىنىڭ قاۋلىسىمەن اقشالاي سىياقى تابىستالدى. سونداي-اق, قازاقستان ۇلتتىق وليمپيادالىق كوميتەتى ازيا ويىندارىندا جۇلدەگە ىلىككەن بەس سپورتشىعا دا قارجىلاي سىياقى ۇسىنعانىن ايتا كەتۋ كەرەك.
تاەكۆوندو فەدەراتسياسى قازاقستان ۇوك قولداۋىمەن ۇلتتىق قۇراما سپورتشىلارىنا مەديتسينالىق كومەك كورسەتىپ, دۇرىس تاماقتانۋ ءتارتىبىن جولعا قويعان. كومانداعا جاڭا ۇلگىدەگى بيوحيميالىق اناليزاتور الىندى. بۇل لابوراتوريالىق زەرتتەۋلەر جۇرگىزىپ, ماڭىزدى كورسەتكىشتەردى انىقتاۋعا مۇمكىندىك بەرەدى. سپورتشىلاردىڭ فۋنكتسيونالدى دايىندىعىن باقىلاۋ ءۇشىن بۇل تاپتىرماس قۇرال.
سونداي-اق, تورەشىلەر كورپۋسى دا كۇشەيتىلدى. بيىلعى ماۋسىمدا 43 تورەشى اككرەديتاتسيادان ءوتتى. ونىڭ ىشىندەگى 18 تورەشىنىڭ حالىقارالىق دارەجەدەگى كاتەگورياسى بار ەكەنىن ەسكەرۋ كەرەك. 25 تورەشى 1 دارەجەلى ۇلتتىق كاتەگوريا يەگەرى. 2017 جىلمەن سالىستىرعاندا, تورەشىلەر سانى 5 پايىزعا ءوستى.
حالىقارالىق تاەكۆوندو فەدەراتسياسىنداعى رەبرەندينگكە بايدانىستى «قازاقستان تاەكۆوندو فەدەراتسياسى (WT)» لوگوتيپتى جاڭارتتى. شەشىم بويىنشا «WTF» اببرەۆياتۋراسىنان «F» ءارپى الىنىپ تاستالدى.
