جاڭا نىساننىڭ العاشقىسى گاگارين كوشەسىندە ورنالاسقان. N141, 141a كوپ قاباتتى تۇرعىن ۇيلەردىڭ اۋلاسى اباتتاندىرىلىپ, جاڭا كەيىپكە ەندى. اتالعان تۇرعىن ۇيلەردىڭ اۋلاسىندا بۇقارالىق سپورتپەن شۇعىلدانۋعا ارنالعان جاتتىعۋ الاڭشاسى مەن بالالار ويىن الاڭى پايدالانۋعا بەرىلىپ وتىر. قۇرلىستى "ايسانا-پيرمان" جشس جۇرگىزگەن.
ەكىنشى مەرەكەلىك تارتۋ ء"نۇرسات" شاعىناۋدانداعى كوپ قاباتتى تۇرعىن ۇيلەردىڭ اۋلاسىندا جالعاسىن تاپتى.ء «نۇرسات» شاعىناۋدانىنىڭ №11, 12, 75 كوپ قاباتتى ۇيلەر اۋلاسىندا اشىق سپورت جانە بالالار ويىن الاڭشالارىنىڭ سالتاناتتى اشىلۋ ءراسىمى وتكىزىلىپ, تۇرعىندار يگىلىگىنە پايدالانۋعا بەرىلدى.
اۋدان اكىمى اپپاراتى ۇسىنىسىمەن ء«نۇرسات» شاعىناۋدانىنداعى توزىعى جەتكەن 36 كوپ قاباتتى تۇرعىن ءۇي ورنالاسقان 14 اۋلانى اباتتاندىرۋعا قالا بيۋدجەتىنەن 293 ملن. تەڭگە قارجى بولىنگەن.
ء«نۇرسات» شاعىناۋدانىنداعى توزىعى جەتكەن كوپ قاباتتى تۇرعىن ۇيلەر اۋلالارىنا زاماناۋي ۇلگىدەگى بالالار ويىن الاڭشالارى جانە سپورتتىق جاتتىعۋ ەلەمەنتتەرى ورناتىلدى. قۇرىلىس جۇمىستارى اتالعان شاعىناۋداننىڭ 36 كوپ قاباتتى ۇيلەر اۋلالارىندا جۇرگىزىلدى. ونىڭ ىشىندە: بايدىبەك بي داڭعىلىندا ورنالاسقان – 8 ءۇي, نازاربەكوۆ كوشەسىندەگى – 16 ءۇي, استانا داڭعىلى بويىنداعى – 12 ءۇي. اۋلالاردى اباتتاندىرۋ جۇمىستارى بارىسىندا 36 كوپ قاباتتى تۇرعىن ءۇيدىڭ ياعني, 927 پاتەردە قونىستانعان 5 000-عا جۋىق تۇرعىن بالالار ويىن الاڭشالارى جانە سپورتتىق جاتتىعۋ ەلەمەنتتەرىمەن قامتىلدى. سونىمەن قاتار, ء«نۇرسات» شاعىناۋدانى № 11, 12, 75 كوپ قاباتتى تۇرعىن ۇيلەر اۋلاسىنا زاماناۋي ۇلگىدەگى اشىق سپورت الاڭشاسى سالىندى.
شارا بارىسىندا قالا اكىمى عابيدوللا ءابدىراحىموۆ بالعىندارعا سپورتتىق بۇيىمدار سىيعا تارتتى.
نۇرشات توكەن,
«ەگەمەن قازاقستان»
