سونىڭ ىشىندە ءبىز ءبىر ادامدى بولە-جارا اتاعان بولار ەدىك. ول – التاي اۋدانى اكىمىنىڭ ورىنباسارى جاننا اسقاروۆا. ول كىسى تۋرالى گازەتىمىزدە «تۇرعىنداردى قۇتقارام دەپ ءجۇرىپ ءوزى سۋعا كەتىپ قالا جازدادى» دەپ جازعان ەدىك. راسىندا, بيىلعى كوكتەمدە, ناقتىراق ايتساق, 31 ناۋرىزدان 1 ساۋىرگە قاراعان ءتۇنى زىريان اۋدانى اكىمدىگى قىزمەتكەرلەرى سۋ باسقان مالەەۆ اۋىلىنىڭ تۇرعىندارىن قاۋىپسىز جەرگە كوشىرۋگە كەلگەن كەزدە وزدەرى دە سۋعا اعىپ كەتە جازداپ, ءبىر اجالدان امان قالعان بولاتىن. «نيۆا» كولىگىنىڭ ىشىندە ج.اسقاروۆامەن بىرگە مالەەۆ اۋىلدىق وكرۋگى اكىمدىگىنىڭ باس مامانى ناتاليا زايتسەۆا, مەكتەپ ديرەكتورى ايگۇل باشاەۆا مەن جۇرگىزۋشى الەكساندر حاباروۆ بولعان ەدى. «كولىكتى قاپ-قارا تاسقىن شىر اينالدىرىپ اكەتتى. اينالا تاستاي قاراڭعى, سۋدىڭ گۇرىلىنەن باسقا ەشتەڭە ەستىلمەيدى. اۋەلدە كومەككە شاقىرىپ ايعايلاپ كورىپ ەدىك, ناتيجە شىقپادى. ءبىر كەزدە كولىككە سۋ كىرە باستادى. اياقتان ورلەگەن سۋ كەۋدەگە جەتكەندە, ومىردەن كۇدەر ءۇزىپ, وتباسىمىزعا حابارلاسا باستادىق.ء ۇي-ىشىمىزبەن قوشتاسىپ جاتقاندا باسقا كولىكتىڭ جارىعى كوزگە شالىندى. ءبىزدى ىزدەپ جۇرگەن شىعار دەگەن ۇمىتپەن تەلەفوننىڭ شامىن جاعىپ, بەلگى بەرۋگە تىرىستىق. سول ارەكەتىمىزدەن ناتيجە شىعىپ, ىزدەۋشىلەر ءبىزدى تاۋىپ الدى. تالعات ەسىمدى جىگىت كولىكتىڭ تەرەزەسىن تەۋىپ سىندىرىپ, ءبىزدى كەزەكپەن سىرتقا شىعاردى. ولاردىڭ ءىسى ناعىز ەرلىك ەدى. ءوز باستارىن تاۋەكەلگە تىگىپ, ءبىزدى قۇتقاردى», - دەگەن ەدى سول كەزدە اۋدان اكىمىنىڭ ورىنباسارى.
تاۋەلسىزدىك مەرەكەسى قارساڭىندا وبلىس اكىمى د.احمەتوۆ تۇرعىندار ءۇشىن ءومىرىن قاتەرگە تىككەن اۋدان اكىمىنىڭ ورىنباسارىنا «قۇرمەت» وردەنىن تاپسىردى.
ازامات قاسىم,
«ەگەمەن قازاقستان»
وسكەمەن
