ءىىى دارەجەلى «بارىس» وردەنىمەن «قاينار» جشس-ءنىڭ ديرەكتورى سەيىتجاپار نىعمەتوۆ ناگرادتالدى. «پاراسات» وردەنىمەن ەڭبەك ارداگەرلەرى جارىلقاسىن بيكەنوۆ, ساعادات دۇيسەبەك جانە ارعىن نىعماتۋلين ماراپاتتالدى.
سونىمەن قاتار, 14 قاراعاندىلىقتىڭ ەڭبەگى ءىى دارەجەلى «دوستىك», ءىىى دارەجەلى «قۇرمەت» جانە «ەڭبەك دانكى» وردەندەرىمەن اتاپ ءوتىلدى. «ەرلىگى ءۇشىن» جانە «ەرەن ەڭبەگى ءۇشىن» مەدالدارىمەن 22 ادام, قازاقستان رەسپۋبليكاسىنىڭ قۇرمەت گراموتاسىمەن 9 ادام ماراپاتتالدى.
ماراپات يەلەرىنىڭ الدىندا وبلىس اكىمى ەرلان قوشانوۆ قۇتتىقتاۋ ءسوز سويلەدى.
– ءبىز ەلىمىزبەن بىرگە ءوسىپ, وركەندەپ كەلەمىز. ءبىز جانە مەملەكەت ءۇشىن كوپ نارسە تاڭسىق بولدى, كوپ نارسە جات بولدى. ەلباسى ايتقانداي, ء«بىز بىرلەسىپ كۇردەلى جولدى وتكەردىك: ءوزىمىزدى سىنادىق, تاۋەلسىزدىگىمىزدى الدىق, الەمگە جاڭا قازاقستاندى اشتىق, ءوزىمىزدى ءبىرتۇتاس جانە ۇلى حالىق رەتىندە تانىتتىق». پرەزيدەنتىنىڭ دانالىعى مەن كورەگەندىگىنىڭ ارقاسىندا قازاقستان بۇرىڭعى كەڭەس ۇكىمەتى كەڭىستىگىندە ءوزىنىڭ بارلىق كورشىلەرىمەن مەملەكەتتىك شەكارا ماسەلەسىن شەشكەن ءبىرىنشى جانە ازىرگە جالعىز عانا ەل بولىپ تابىلادى, – دەدى ءوڭىر باسشىسى.
ماراپاتتالعاندار مەملەكەت باسشىلىعىنا ەلىمىزدە ورناعان بەيبىتشىلىك, تۇراقتىلىق جانە تاتۋلاستىق ءۇشىن العىس ايتتى.
سالتاناتتى جيىننىڭ سوڭى مەرەكەلىك كونتسەرتپەن تۇيىندەلدى.
قايرات ءابىلدا,
«ەگەمەن قازاقستان»
قاراعاندى
