سالتاناتتى شارادا سويلەگەن اتىراۋ وبلىسىنىڭ اكىمى نۇرلان نوعاەۆ مەملەكەتتىك مەرەكەنىڭ ايرىقشا ماڭىزى بار ەكەنىن اتاپ ءوتتى.
-ء ار ەلدىڭ, ء ار حالىقتىڭ جىل سايىن تويلاناتىن باستى مەرەكەسى بولادى. قازاقستاندا ول - تاۋەلسىزدىك كۇنى. 27 جىل بۇرىن ءبىزدىڭ ەلىمىز تاۋەلسىزدىككە قول جەتكىزىپ, الەمدىك قوعامداستىق تاراپىنان قولداۋعا يە بولدى. بۇل اتا-بابامىزدىڭ سان عاسىر بويعى ارمانى مەن ءۇمىتىنىڭ اقيقاتقا اينالۋى, - دەدى نۇرلان نوعاەۆ. – وسى جىلدار ارالىعىندا مەملەكەت باسشىسىنىڭ سارابدال ساياساتىنىڭ ارقاسىندا ەلىمىز تابىستارعا قول جەتكىزدى. بۇگىنگى قازاقستان دۇنيە جۇزىندەگى ء ىرى مەملەكەتتەرمەن قاتار قاۋىپسىزدىك پەن الەمدىك ەكونوميكانىڭ دامۋىنا ولشەۋسىز ۇلەس قوسىپ كەلەدى.
ايماق باسشىسى قازاقستاندىقتاردىڭ بىرلىگى مەن ءوزارا تۇسىنىستىگى ەلىمىزدىڭ ەكونوميكالىق, الەۋمەتتىك دامۋىنا وڭ ىقپال ەتىپ وتىرعانىن اتاپ ءوتتى. ءبىزدىڭ ءبارىمىزدى بىرىكتىرەتىن ءبىر دۇنيە - ماقسات قويا ءبىلۋ, ايانباي ەڭبەك ەتۋ جانە ءوز حالقىڭا, وتانىڭا قۇرمەتپەن قاراۋ, سول ارقىلى قاي سالادا دا جەتىستىكتەرگە جەتىپ كەلەمىز. وسىنداي ادامداردىڭ ارقاسىندا ءوڭىرىمىز دە, ەلىمىز دە دامىپ كەلەدى.
- دۇنيە جۇزىندە قانشاما ادامدار ءوز مەملەكەتتەرىنىڭ تاۋەلسىز بولۋىن ارماندايدى. قازاقستاننىڭ تاۋەلسىزدىگى-حالىقتىڭ باستى بايلىعى. قازاقستان حالقىنىڭ 1991 جاساعان تاڭداۋىنىڭ سارقىلماس تاريحي كۇشىنىڭ ءتۇيىنى - ازات, تاۋەلسىز ەلدە بەيبىتشىلىك پەن كەلىسىمدە ءومىر ءسۇرۋ, جارقىن بولاشاعىن قۇرۋ , - دەدى نۇرلان نوعاەۆ.
الەمنىڭ ساياسي كارتاسىنا ەنگەلى قازاقستاننىڭ ۇستانىمى مەن بەدەلى بەكىدى, حالىقتىڭ ءال-اۋقاتىنىڭ كوتەرىلۋىنىڭ نەگىزى بولدى, مۇنىڭ ءبارى مەملەكەتىمىزدىڭ تاۋەلسىزدىگىنىڭ ارقاسىندا بولعان يگىلىكتەر. پرەزيدەنت نۇرسۇلتان نازارباەۆتىڭ بولاشاقتى بولجاي ءبىلۋى ساياسي ارەناداعى مەملەكەت تاۋەلسىزدىگىنىڭ ماڭىزدىلىعىن انىق كورسەتتى.
-ەلدىڭ بىرتۇتاستىعى, قارقىندى دامۋى ءار قازاقستاندىقتىڭ جاعدايىنىڭ جاقسارۋىنا وڭ اسەر ەتەدى. مۇنى ءبىزدىڭ وڭىرىمىزدە جاسالىپ جاتقان جۇمىستار ارقىلى دا باعامداۋعا بولادى. قازىر ايماقتا الەۋمەتتىك-ەكونوميكالىق دامۋعا قاجەت العىشارتتاردىڭ ءبارى بار. جاڭا الەۋمەتتىك نىساندار سالىنىپ, ەكونوميكانىڭ بارلىق سالالارى دامۋدا, تۇرعىنداردىڭ تۇرمىس دەڭگەيى ارتۋدا, بۇل ءبىزدىڭ باستى تابىسىمىز, - دەدى وبلىس اكىمى.
قۇتتىقتاۋ سوزىنەن سوڭ نۇرلان نوعاەۆ بىرقاتار اتىراۋلىقتاردى «پاراسات»,«قۇرمەت», III دارەجەلى «ەڭبەك داڭقى» وردەندەرىمەن, «ەرەن ەڭبەگى ءۇشىن », «شاپاعات» مەدالدارىمەن جانە العىس حاتتار مەن ماقتاۋ قاعازدارىمەن ماراپاتتادى.
تاۋەلسىزدىك كۇنىنە ارنالعان سالتاناتتى شارا مەرەكەلىك كونتسەرتپەن اياقتالدى.
