سالتاناتتى شاراعا سىرتقى ىستەر ءمينيسترىنىڭ ورىنباسارى ەرجان اشىقباەۆ, ازەربايجان رەسپۋبليكاسىنىڭ ەلشىسى راشاد ماممادوۆ, ماجارستاننىڭ قازاقستانداعى توتەنشە جانە وكىلەتتى ەلشىسى اندراش باراني, موڭعوليانىڭ ەلشىسى لۋۆسان باتتۋلگا, تۇركيانىڭ قازاقستانداعى توتەنشە جانە وكىلەتتى ەلشىسى نەۆزات ۋيانىك, وزبەكستان رەسپۋبليكاسىنىڭ ەلشىسى سايديكرام نيازحودجاەۆ, تۇركمەنستاننىڭ اسكەري اتتاشەسى انىمۋراد ياگمىروۆ, تۇركولوگتار مەن قوعام قايراتكەرلەرى قاتىستى.
جيىندا ءسوز العان سىرتقى ىستەر ءمينيسترىنىڭ ورىنباسارى ەرجان اشىقباەۆ ەلباسىنىڭ باستاماسىمەن قۇرىلعان حالىقارالىق تۇركى اكادەمياسىنىڭ تۇركى حالىقتارىنىڭ تاريحى مەن مادەنيەتىن زەرتتەۋ سالاسىنداعى ايتۋلى جەتىستىكتەرى حالىقارالىق دەڭگەيدە تانىمال عىلىمي-ينتەللەكتۋالدى ورتالىققا اينالدىرعانىن ايتىپ ءوتتى.
– اكادەميا كونە داۋىردەن بۇگىنگە دەيىن تۇركى الەمىنىڭ تاريحى,ء تىلى مەن ادەبيەتىن, مادەنيەتىن زەرتتەپ, تۇركى مەملەكەتتەرىنىڭ الەمدىك وركەنيەتتەگى ورنىن ءتولتۋما دەرەكتەر نەگىزىندە اشا وتىرىپ, جالپى تۇركى الەمىنە قاتىستى عىلىمي زەرتتەۋلەردى ۇيلەستىرە بىلگەن بىرەگەي ورتالىققا اينالۋدا. اكاداميانىڭ قولعا العان جۇمىسى ءوز قۇندىلىعىن تەك عىلىمي تۇرعىدا عانا راستاپ قويماي, تۇركى ەلدەرىنىڭ ينتەگراتسياسى مەن ءوزارا ىقپالداستىعىنا زور ۇلەس قوسىپ وتىرعانىن ايتا كەتۋ كەرەك», دەدى ەرجان اشىقباەۆ. ۆيتسە-مينيستر اكادەميا ازىرلەگەن «ورتاق تۇركى تاريحى» وقۋلىعىنا, «ورتاق تۇركى گەوگرافياسى» جانە «ورتاق تۇركى ادەبيەتى» وقۋلىقتارىنىڭ ازىرلەنۋ بارىسىنا, «تۇركىبارومەتر» الەۋمەتتانۋلىق زەرتتەۋلەرىنە جانە «اتالار ميراسى» مۋلتيمەديالىق قورىنا جوعارى باعا بەردى. سونىمەن قاتار, تۇركى اكادەمياسىنىڭ «تۇركى ينتەگراتسياسىنىڭ تۇجىرىمداماسىن» ازىرلەگەنىن دە ايىرىقشا اتاپ ءوتىپ, ماجاراستاندى تۇركى كەڭەسى مەن تۇركى اكادەمياسىنا باقىلاۋشى مارتەبەسىن العانىمەن قۇتتىقتاپ,ء وزارا ىنتىماقتاستىقتىڭ نىعايۋىنا تىلەكتەستىگىن ءبىلدىردى.
اكادەميا پرەزيدەنتى دارحان قىدىرالى TWESCO-عا قۇرىلتايشى مەملەكەتتەردىڭ ۇلتتىق كۇندەرىن وتكىزۋ ۇيىمدا تۇراقتى داستۇرگە اينالعانىن, بۇگىنگى شارانىڭ قازاقستان رەسپۋبليكاسىنىڭ تاۋەلسىزدىك كۇنى مەيرامىنا ارنالىپ وتىرعانىن ايتتى. TWESCO باسشىسى قازاقستاننىڭ سىرتقى ساياساتتاعى جەتىستىكتەرى مەن تۇركى ينتەگراتسياسىنداعى تولاعاي تابىستاردىڭ تاۋەلسىزدىكتىڭ جەمىسى ەكەنىن توقتالدى.
– تۇركى كەڭەسىنىڭ شولپان-اتادا وتكەن سامميتىندە ماجارستان اكادەمياعا باقىلاۋشى مارتەبەسىن العان بولاتىن. بۇگىن اكادەميا قابىرعاسىندا ماجارستاننىڭ تۋىن كوتەردىك. بۇگىنگى جيىنعا مارتەبەلى ەلشىلەرى قاتىسقان وزبەكستان مەن موڭعوليانىڭ بايراقتارى دا اكادەمياعا قويىلاتىن كۇندەر الىس بولماس دەگەن ۇمىتتەمىز,-دەگەن اكادەميا باسشىسى ۇيىمعا ماجارستاننىڭ باقىلاۋشى مارتەبەسىن الۋى ۇيىمنىڭ حالىقارالىق ساحنادا تانىلا تۇسكەندىگىنىڭ بەلگىسى ەكەندىگىن ايتتى. ءوز كەزەگىندە قازاقستانداعى ماجارستان ەلشىسى اندراش باراني ماجارستاننىڭ تۇركى الەمى ەلدەرىمەن دوستىق بايلانىستارىن ۇنەمى جوعارى باعالايتىنىن جەتكىزدى.
– وسى ماڭىزى زور وقيعالاردىڭ ءدال مەنىڭ ماجارستان ەلشىسى رەتىندە قىزمەت اتقارىپ جۇرگەن ۋاقىتقا تۇسپا-تۇس كەلگەنىنە وتە قۋانىشتىمىن. حالىقارالىق تۇركى اكادەمياسىنىڭ شتاب-پاتەرى استانادا ورنالاسۋى سەبەپتى ماجارستان مەن قازاقستان اراسىنداعى قارىم-قاتىناستاردىڭ جاندانا تۇسكەنىن ايتا كەتەيىن. بۇدان ەكى باۋىرلاس حالىقتىڭ ورتاق تاريحي تامىرلاستىعىن اڭعارۋعا بولادى. قازاقستان رەسپۋبليكاسىن تاۋەلسىزدىك مەرەكەسىمەن قۇتتىقتايمىز,-دەگەن ماجارستان ەلشىسى تۇركىتىلدەس مەملەكەتتەرمەن تۋىستىعىن ايقىندايتىن سيمۆولى رەتىندە ماجارستاننىڭ مەملەكەتتىك بايراعىن تۇركى اكادەمياسىنڭ شتاب-پاتەرىنە تابىستادى.
جيىن بارىسىندا حالىقارالىق تۇركى اكادەمياسى تۇركى ينتەگراتسياسى مەن باۋىرلاس ەلدەردىڭ اقپاراتتىق سالاداعى ىنتىماقتاستىعىنا ۇلەس قوسىپ جۇرگەن ماسس-مەديا وكىلدەرى ارنايى العىس حاتپەن ماراپاتتالدى.
ايا ءومىرتاي,
«ەگەمەن قازاقستان»
