تانىمال يزرايلدىك بالالار نەيروحيرۋرگى شلومي كونستانتيني مەن № 2 قالالىق بالالار اۋرۋحاناسىنىڭ بالالار نەيروحيرۋرگيا ءبولىمىنىڭ مەڭگەرۋشىسى ازامات جايىلعانوۆ ەمدەۋ مەكەمەسىنىڭ بازاسىندا گيدروتسەفالياعا شالدىققان 11 جاسار بالاعا وتا جاسادى. وپەراتسيا ءبىر جارىم ساعاتقا سوزىلدى.
ء«بىز وتا جاساعان گيدروتسەفالياعا شالدىققان بالانىڭ باس ميىنداعى اسقازان جۇيەسىندە ارتىق سۇيىقتىق جينالعان. ونى ەمدەۋدىڭ بىرنەشە ءتاسىلى بار. سونىڭ ءبىرى – ءىش قۋىسىمەن, وكپەقاپ, جۇرەك جانە جۇرەك الدى قۋىسىمەن باس ميىنىڭ اسقازاندارىن بىرىكتىرەتىن تۇيىقتاۋىش جۇيەنىڭ, بوگدە زاتتىڭ يمپلانتاتسياسى. قانشا دەگەنمەن, ول بوگدە زات. بۇل – قابىلداماۋ, ينفەكتسيانى جۇقتىرۋ قاۋپى. ال اتالعان وتا ءتۇرىنىڭ ەرەكشەلىگى باس ميىندا ىشكى اسقازان جۇيەسىنىڭ اناتوميالىق كانالى قۇرىلادى, بۇل ءوز كەزەگىندە ىشكى قان قىسىمىن تومەندەتىپ, باس ميىنا كومپرەسسيانى ازايتادى. وسىلايشا بالانىڭ دامۋىنا اسەر تۇسە باستايدى دا, ءاۋ باستاعى فۋنكتسيالارى جۇمىس ىستەي باستايدى», - دەدى ازامات جايىلعانوۆ.
ءوز كەزەگىندە پروفەسسور شلومي كونستانتيني وسىنداي وتا جاساعان اۋرۋحانانىڭ الەۋەتى جوعارى ەكەنىن اتاپ ءوتتى.
ء«بارى دە تەحنولوگياعا بايلانىستى جانە ءبارى ويداعىداي بولۋ كەرەك. اتالعان اۋرۋحانادا ەندوسكوپيانىڭ بىرنەشە نۇسقاسى بار, اۋرۋحانانىڭ بولاشاقتا وسىنداي تەحنيكانى قوسىمشا الۋىنا بارلىق مۇمكىندىگى جەتەدى. جاقىن ارادا بۇل اۋرۋحانا وسىعان تاعى دا كوڭىل بولە تۇسەدى دەپ ويلايمىن, ال بۇل ارمەن قاراي بالالاردىڭ گيدروتسەفالياسىن ەمدەۋگە وڭ اسەرىن تيگىزبەك», - دەپ تۇيىندەدى پروفەسسور.
وپەراتسيادان باسقا, ش. كونستانتيني ستۋدەنتتەرگە, رەزيدەنتتەرگە جانە گيدروتسەفالياسى بار بالالاردى ەندوسكوپيالىق ەمدەۋ بويىنشا قازاقستاننىڭ ايماقتارداعى دارىگەرلەرىنە ارناپ شەبەرلىك ساباعىن وتكىزدى. شەبەرلىك ساباعى استانا قوعامدىق دەنساۋلىق ساقتاۋ باسقارماسىنىڭ قولداۋىمەن «دوم» قق «بالالارعا ءومىر سىيلا» قايىرىمدىلىق اكتسياسى شەڭبەرىندە وتكىزدى.
