60 جاستاعى جانە 30 جاستاعى ەكى ەر كىسى ۋلى گازعا تۇنشىعىپ, قايتىس بولدى. وبلىستىق ءورت ءسوندىرۋ قىزمەتىنىڭ ءباسپاسوز قىزمەتىنىڭ حابارلاۋىنشا, ءورت ءۇشىنشى قاباتتاعى پاتەردەن شىققان. ۇيدەن 7 ادام كوشىرىلگەن, 20 ادام قىزىل وتتان قۇتقارىلعان. ونىڭ ىشىندە ءبىر بالا بار. ءورت ءبىر ساعاتقا جۋىق ۋاقىتتا وشىرىلگەن. وقيعا ورنىنا 40 ءورت ءسوندىرۋشى جانە 12 تەحنيكا جەتكىزىلدى.
«اۋرۋحاناعا جەتكىزىلگەن التى ادامنىڭ تورتەۋى جان ساقتاۋ بولىمىندە, ەكى ادام وبلىستىق اۋرۋحاناعا اۋىستىرىلدى. جان ساقتاۋ بولىمىندەگى ءتورت ادامنىڭ ەكەۋىنىنىڭ جاعدايى اۋىر» دەيدى قوستاناي قالالىق اۋرۋحاناسى جان ساقتاۋ بولىمىندەگى كەزەكشى دارىگەر پاۆەل ۋكولوۆ.
قازىر ءورتتىڭ شىعۋ سەبەبى انىقتالۋ ۇستىندە.
ءنازيرا جارىمبەت,
«ەگەمەن قازاقستان»
قوستاناي
