وتكەن جىلدىڭ سايكەس كەزەڭىمەن سالىستىرعاندا شاعىن جانە ورتا بيزنەس سۋبەكتىلەرىنىڭ سانى 12,7 پايىزدى قۇرادى. بۇل - رەسپۋبليكادا ەڭ جاقسى كورسەتكىش. سونىمەن قاتار, جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ ۇلەسى تىركەلگەندەر سانىنىڭ 80,9% - ىنە جەتكەن. جەڭىس وڭاي كەلمەيدى.
وبلىستا جىل باسىندا «جاپپاي كاسىپكەرلىكتى دامىتۋدىڭ جول كارتاسى» ازىرلەندى. شاعىن جانە ورتا بيزنەستى قارجىلاندىرۋعا رەسپۋبليكالىق جانە وبلىستىق بيۋدجەتتەن, بانكتەر مەن قورلاردان 32 ميلليارد تەڭگەدەن استام قارجى ءبولىندى. ونىڭ ىشىندە ستارتاپ-جوبالارعا 3 ميلليارد تەڭگەدەن استام قارجى قاراستىرىلعان.
جاپپاي كاسىپكەرلىكتى, اسىرەسە اۋىلدىق جەرلەردە دامىتۋعا وڭىردە باسىمدىق بەرىلىپ وتىر. وبلىستىڭ ءاربىر اۋىلدىق ەلدىمەكەنىنە جەرگىلىكتى اتقارۋشى ورگاندار مەن ورتالىق مەملەكەتتىك ورگانداردىڭ اۋماقتىق بولىمشەلەرىنىڭ باسشىلارىنان شاعىن جانە ورتا بيزنەستى دامىتۋعا جاۋاپتىلار بەكىتىلدى.
وبلىستا كاسىپكەرلەر ءۇشىن بارلىق قولايلى جاعدايلاردى جاساۋ ماقساتىندا كاسىپكەرلەر ءۇيى اشىلدى. مۇندا وبلىستىق كاسىپكەرلىك جانە تۋريزم باسقارماسى, «قىزىلوردا» وڭىرلىك ينۆەستيتسيالىق ورتالىعى, كاسىپكەرلەرگە قىزمەت كورسەتۋ ورتالىعى, «جوبالارعا ساراپتاما جۇرگىزۋ ورتالىعى» جشس, وڭىرلىك كاسىپكەرلەر پالاتاسى, ەكىنشى دەڭگەيلى بىرقاتار بانك فيليالدارى جانە وزگە دە مەكەمەلەر ورنالاستىرىلعان. سونداي-اق, ايماقتىڭ كاسىپكەرلەرى ءۇشىن ەلەكتروندىق قىزمەت تۇرلەرىن تەگىن الۋعا بولاتىن ونلاين-كابينەت جۇمىس ىستەپ تۇر.
باقتيار تايجان,
«ەگەمەن قازاقستان»
قىزىلوردا وبلىسى
