ايتا كەتۋ كەرەك, بۇعان دەيىن الماتى قالاسىندا ۇستىمىزدەگى جىلدىڭ ساۋىرىندە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى مەن ءال-فارابي اتىنداعى قازاق ۇلتتىق ۋنيۆەرسيتەتىمەن بىرىگە وتىرىپ «Sanaly urpaq» جوباسى اشىلعان بولاتىن. ەندى بۇل جوبا ەلىمىزدىڭ وزگە دە ايماقتارىندا جالعاسىن تاۋىپ كەلەدى دەگەن سايان قىلىش ۇلى, ۋنيۆەرسيتەت اكىمشىلىگىن, پروفەسسورلىق-وقىتۋشىلىق قۇرامىن جانە ستۋدەنت جاستاردى جوبالىق كەڭسە جۇمىسىنا بارىنشا قولداۋ كورسەتۋگە, ەلباسىمىزدىڭ العا قويعان باسىمدىقتارىن جۇزەگە اسىرۋ شەڭبەرىندە ءبىر جۇدىرىقتاي جۇمىلۋعا شاقىردى.
سونىمەن قاتار, جوعارعى وقۋ ورنىندا «ادالدىق دۇكەنى» سالتاناتتى تۇردە اشىلدى.
«ادالدىق دۇكەنى» جۇمىسى وزىنە-ءوزى قىزمەت كورسەتۋ جۇيەسى بويىنشا ۇيىمداستىرىلعان. مۇندا وقىتۋشىلار مەن ستۋدەنتتەر وزدەرىنە قاجەتتى زاتتاردى الىپ, الىنعان تاۋار ءۇشىن اقشانى كاسسالىق جاشىككە قالدىرىپ, ەسەپ ايىرىسادى. ياعني, دۇكەندە ساتۋشى جوق, زاتتى ساتىپ الۋشىلار ءوز-وزدەرىنە قىزمەت كورسەتەتىن بولادى. مۇنداي دۇكەندەردى ەنگىزۋ جاستاردىڭ جاعىمدى مورالدىق قاسيەتتەرىن, سونىڭ ىشىندە ىشكى پاراساتتىلىق پەن ادالدىقتى تاربيەلەۋگە باعىتتالعان.
اتالمىش جوبا قوعامدا سەنىم اتموسفەراسىن بىرتىندەپ قۇرادى جانە ستۋدەنت جاستارعا ءوزىن جاقسى, ادال ادام رەتىندە انىقتاۋعا مۇمكىندىك بەرەتىنىنە سەنىم مول. اشىلۋ سالتاناتىنا قاتىسقان ستۋدەنتتەر مۇنداي دۇكەننىڭ اشىلۋىنا تاڭدانىستارىن جەتكىزىپ, جاستارعا بىلدىرىلگەن سەنىم ءۇشىن اگەنتتىكتىڭ اۋماقتىق دەپارتامەنتى جانە ۋنيۆەرسيتەت ۇجىمىنا ريزاشىلىقتارىن جەتكىزدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
