«ادامدارعا بەرىلەتىن دارىن سياقتى, باتىلدىق تا بىزگە ءار ءتۇرلى دەڭگەيدە جانە ءار ءتۇرلى ساتتەردە كەلەدى» دەپ جازدى Time جۋرنالىنىڭ باس رەداكتورى ەدۆارد فەلسەنتال. «وسى جىلى ءبىز ءتورت جۋرناليست پەن ءبىر اقپاراتتىق ۇيىمدى «جىل ادامى» دەپ تانىدىق: ولار جامال حاشوگگي, ماريا رەسسا, قىزمەتكەرلەرى ۆا لون مەن كيا سو جانە Capital Gazette.
سونداي-اق ەدۆارد فەلسەنتال ولاردى «ساقشىلار» دەپ اتادى. جۋرنال تاريحىندا العاش رەت مۇقاباسىنا «جىل ادامى» رەتىندە ومىردەن وتكەن ءجۋرناليستى شىعاردى. بۇل ساۋد ارابياسىنىڭ ءجۋرناليسى, وسى جىلدىڭ قازان ايىندا ساۋد ارابياسىنىڭ ستامبۋلداعى ەلشىلىگىندە اياۋسىز ولتىرىلگەن جامال حاشوگدجي.
سونداي-اق, «جىل ادامى» اتاعىنا Reuters اگەنتتىگىنىڭ قىزمەتكەرلەرى ۆا لون مەن كيا سو لايىق دەپ تانىلدى. ولار ميانماداعى روحيندجا حالقىنىڭ جاعدايىن جاريا ەتكەنى ءۇشىن جانە مەملەكەتتىك قۇپيا تۋرالى زاڭدى بۇزدى دەپ جەتى جىلعا سوتتالدى.
فيليپپين پرەزيدەنتى رودريگو دۋتەرتەنىڭ «ەسىرتكىمەن سوعىس» جوسپارىن سىنعا العان فيليپپيندىك جۋرناليست ماريا رەسسا دە ماراپاتتالعان جۋرناليستەر قاتارىندا. قاراشا ايىندا وعان سالىقتان جالتارعانى ءۇشىن ايىپ تاعىلعان, ول وزىنە تاعىلعان ايىپتى ساياسي استارى بار دەپ ويلايدى.
ماۋسىم ايىندا شابۋىل جاسالعان امەريكاندىق Capital Gazette باسىلىمىنىڭ رەداكتسياسى دا ۇزدىكتەر تىزىمىندە. وسى شابۋىل كەزىندەگى قايعىلى جايتتان سوڭ اقش جۋرناليستەر ومىرىنە قاۋىپتى مەملەكەتتەردىڭ ىشىندە ءتورتىنشى ورنىنا جايعاستى.
دايىنداعان ءمادينا جالەلقىزى,
«ەگەمەن قازاقستان»
