ءۇش تىلدە شىعارىلعان كىتاپ-فوتوالبومدا تۇركىستان وبلىسىنىڭ تاريحي ورىندارى تۇگەل قامتىلعان. كيەلى ورىندار مەن ەسكەرتكىشتەر تۋرالى ماعلۇماتتار قازاق, اعىلشىن جانە ورىس تىلدەرىندە بەرىلىپ, سۋرەتتەرمەن كومكەرىلگەن. ال «وڭتۇستىكتىڭ قاسيەتتى ورىندارى: اڭىز-ءاپسانالار» اتتى كىتاپتا ايماقتاعى اۋليە-امبيەلەر, ەل اۋزىنداعى تۇلعالار تۋرالى اڭىزدار مەن اڭگىمەلەر جازىلعان. كونە زامانداردان سىر شەرتەتىن ءاپسانالار مەن قىزىقتى دەرەكتەر مول.
وبلىستىق ىشكى ساياسات باسقارماسى ۇيىمداستىرعان تۇساۋكەسەر راسىمىندە وبلىس اكىمى جانسەيىت تۇيمەباەۆ «رۋحاني جاڭعىرۋ» باعدارلاماسى اياسىندا جارىق كورگەن تۋىندىلاردىڭ ماڭىزدىلىعىنا توقتالىپ, وقىرمان ءۇشىن قاجەت دۇنيەلەر كوپ ەكەنىن اتاپ ءوتتى. ء«بىز ءوز تاريحىمىز بەن تۋعان ولكەمىزدىڭ سان عاسىردان بەرى كەلە جاتقان شەجىرەسىن ءبىلۋ ارقىلى ۇلتتىق بولمىسىمىزدى, ۇلتتىق كودىمىزدى ساقتاي الامىز. بۇل كىتاپتار رۋحاني جاڭعىرۋ ءۇشىن وتە ماڭىزدى. قىسقاسى, مۇنداي كىتاپتار وقىرمانعا جەتىپ, رۋحاني قازىنادان ءاربىر ازامات سۋسىنداۋى ءتيىس», دەدى جانسەيىت قانسەيىت ۇلى. سونداي-اق «2017 جىل: ايشىقتى وقيعالار» اتتى كىتاپ تا وقىرمانعا جول تارتتى. بۇل كىتاپ وقىرمانداردى وتكەن جىلعى ايرىقشا وقيعالاردان حاباردار ەتەدى.
عالىمجان ەلشىباي,
«ەگەمەن قازاقستان»
تۇركىستان وبلىسى
