استانالىق حوككەيشىلەر ويىندى وتە قارقىندى باستادى. كەزدەسۋدىڭ 3- مينۋتىندا كەرتيس ۆولك گول سوعىپ, «بارىستى» العا شىعاردى. 14-مينۋتتا تارازى باسى تەڭەستى. بۇل گولدىڭ اۆتورى – يگور رۋدەنكوۆ. ۇزىلىستەن كەيىن قوس كوماندانىڭ ويىنشىلارى ءجيى-ءجيى شابۋىلداعانىمەن, ءبىر-ءبىرىنىڭ قاقپا كىلتىن تابا العان جوق. ءدال وسى جاعداي ءۇشىنشى كەزەڭدە دە قايتالاندى. تەك باسەكەنىڭ اياقتالۋىنا ەكى مينۋتتاي ۋاقىت قالعاندا توماشا زاگورنا نىسانانى ءدال كوزدەپ, جەرگىلىكتى جانكۇيەرلەردى قۋانتتى. ەسەپ – 2:1.
بۇل كۇندەرى قحل-دىڭ تۇراقتى بىرىنشىلىگىنىڭ جارىس كەستەسىندە «بارىس» 8-ورىندى يەلەنۋدە. ولار 36 ويىننان كەيىن 50 ۇپاي جيدى. بۇگىن جەرلەستەرىمىز قىتايعا ساپار شەگىپ, «كۋنلۋن رەد ستار» كلۋبىمەن كۇش سىناسسا, ودان كەيىنگى ءۇش كەزدەسۋدى استانادا وتكىزەدى.
عالىم سۇلەيمەن,
«ەگەمەن قازاقستان»
