جوعارى وقۋ ورنى مەن ءۇندىستاننىڭ «SunTrap 786 LIMITED» كومپانياسى اراسىندا جاسالعان كەلىسىمگە سايكەس ۇندىستاندىق 27 تالاپكەر كوكشەگە كەلىپ جەتتى. كەلىسىم بويىنشا اتالمىش كومپانيا 2023 جىلدىڭ العاشقى جارتى جىلدىعىنا دەيىن پاكىستان, شري-لانكا, نەپال, بانگلادەش ءتارىزدى مەملەكەتتەردەن دە تارتىلۋعا ءتيىستى.
–شەتەلدىك ستۋدەنتتەرگە بارلىق قولايلى جاعداي جاسالعان. فاكۋلتەت دەكانى ورىنباسارىنىڭ لاۋازىمىنا ارنايى شتاتتىق بىرلىك ءبولىنىپ وتىر. ءبىز جوعارى وقۋ ورنىنىڭ بەدەلىن بيىكتەتۋ قاجەت ەكەندىگىن جاقسى تۇسىنەمىز. سوندىقتان, ۆيزادان باستاپ, تۇرعىلىقتى جەرىنە تىركەۋ, الاڭسىز ءبىلىم الۋلارى ءۇشىن بارلىق جاعدايدى تۋدىرامىز,–دەيدى حالىقارالىق ىنتىماقتاستىق, ينتەرناتسيونالداندىرۋ جانە اكادەميالىق ۇتقىرلىق ورتالىعىنىڭ جەتەكشىسى ەكاتەرينا تۋروۆسكايا,ء–تىپتى شەتەلدىك ستۋدەنتتەرگە وزدەرى ءسۇيىپ ىشەتىن اس ءمازىرىن دايىنداۋ ءۇشىن ارنايى اسپاز دا جالداپ قويدىق.
ولار قوناق ءۇي ىسپەتتى جاتاقحاناعا ورنالاستىرىلدى. العاشقى بەيىمدەۋ كەزەڭىنەن وتكەننەن كەيىن ءبىلىم الۋعا كىرىسپەك. جوعارى وقۋ ورنىنا تاسىمالداۋ ماسەلەسى دە شەشىلدى.
ەندىگىسى ءبىلىم الۋ ماسەلەسى. بۇل ورايدا ارنايى دارىستەر دايىندالىپ, ءۇش تىلدە 3D تەحنولوگيالارى ازىرلەنگەن. ء بىلىم ءۇردىسى قارقىندى كۋرستار تۇرىندە جۇرگىزىلەتىن بولادى. ءسوز اراسىندا اتالمىش ۋنيۆەرسيتەتتە قازىرگى كۇنى قىتاي, گەرمانيا, رەسەي, موڭعوليا, بەلارۋس, ءازىربايجان ءتارىزدى بارلىعى ون مەملەكەتتىڭ جاستارى ءبىلىم الىپ جاتقاندىعىن ايتا كەتكەنىمىز ورىندى بولماق. شەتەلدىك جاستاردىڭ كوپشىلىگى فيلولوگيا جانە پەداگوگيكا فاكۋلتەتتەرىندە ءبىلىم الۋدا.
بايقال ءبايادىل,
«ەگەمەن قازاقستان»
اقمولا وبلىسى
