شاھاردىڭ ورتالىعىنداعى ورداباسى الاڭىنا قويىلعان «جەر انا» مونۋمەنتىنىڭ قاسبەتى قىمبات تاستارمەن قاپتالىپ جاتىر. تۇعىردا تۇرعان بيىكتىگى 25 مەتر ەڭسەلى ەسكەرتكىش بوي كوتەرگەلى بەرى جوندەۋ كورمەگەن. ەسكىرە باستاعان ەسكەرتكىشتى قالا ساۋلەتىنە جاۋاپتى مەكەمە تاۋەلسىزدىك مەرەكەسى قارساڭىندا جوندەۋدەن وتكىزىپ, جاڭا كەلبەتكە كەلتىرمەك.
ەستەرىڭىزگە سالار بولساق, «جەر انا» مونۋمەنتى 2011 جىلى كاسىپكەرلەردىڭ دەمەۋشىلىگىمەن سالىنعان. سول كەزدە جابىستىرىلعان گرانيت تاستاردىڭ جەلىمى اجىراپ, سوڭعى ۋاقىتتا اينالاسىنا قاۋىپ توندىرۋدە. قالا باسشىلىعى وسى جاعدايدى ەسكەرە وتىرىپ, ەسكەرتكىشتىڭ تاستارىن جاڭارتۋعا تاپسىرما بەرگەن. ءارى, جوندەۋ جۇرگىزەتىن مەردىگەردى انىقتاعان.
«ەسكەرتكىشتىڭ جالپى اۋماعى 100 مەتردى قۇرايدى. قالالىق ەنەرگەتيكا جانە كوممۋنالدىق شارۋاشىلىق باسقارماسىنىڭ تاپسىرىسى بويىنشا قازىرگى تاڭدا ءوز ماتەريالى وزىنە جۇمسالىپ, سوڭعى تەحنولوگيا بويىنشا جاڭارتىلىپ جاتىر», دەيدى مەردىگەر مەكەمە وكىلى ساعات مولدابەكوۆ.
قۇرىلىسشىلاردىڭ ايتۋىنشا, ساۋلەتتىك ەسكەرتكىشتىڭ اينالاسىنداعى ەسكى جيەك تاستارى دا الماستىرىلىپ, جوندەۋ جۇمىستارى 16 جەلتوقسانعا دەيىن اياقتالاتىن بولادى.
نۇرشات توكەن,
«ەگەمەن قازاقستان»
