ماقالا مازۇنىنا وراي عالىمدار ححI عاسىرداعى ۇلتتىق سانا, مەملەكەتتىڭ باسەكەگە قابىلەتتىلىگى, پراگماتيزم ساياساتى, ۇلتتىق بىرەگەيلىكتى ساقتاپ قالۋ, ءبىلىم عۇرپى مەن مادەنيەتتى دامىتۋ, قازاقستاننىڭ ەۆوليۋتسيالىق دامۋى, سانانىڭ اشىقتىلىعى, جاڭا تەحنولوگيالاردى ەندىرۋ جانە دامىتۋ, ت.ب. تاقىرىپتار اياسىندا بايانداما جاساپ, تۇركى الەمىنىڭ وركەنيەتتەگى رولىنە قاتىستى تۇششىمدى ويلارىن ورتاعا سالدى.
شارانى ەكونوميكا ينستيتۋتى ديرەكتورىنىڭ عىلىم جونىندەگى ورىنباسارى, ەكونوميكا عىلىمدارىنىڭ كانديداتى, دوتسەنت اقسانات پانزابەكوۆا جۇرگىزدى.
ا.بايتۇرسىن ۇلى اتىنداعى ءتىل ءبىلىمى ينستيتۋتى ديرەكتورىنىڭ مىندەتىن اتقارۋشى, فيلولوگيا عىلىمدارىنىڭ كانديداتى, دوتسەنت سارسەنباي قۇلمانوۆ « ۇلى دالانىڭ ۇلىقتىعى: عۇلاما عالىمدار, عۇمىرلى تۋىندىلار, ماڭگىلىك مادەنيەت, وشپەس وركەنيەت» تاقىرىبىنداعى بايانداما جاساسا, ەكونوميكا عىلىمدارىنىڭ كانديداتى, پروفەسسور تاكەن جاناتاەۆ « ۇلى دالا مادەنيەتىنىڭ قازاقستاننىڭ ەكونوميكالىق دامۋىنا تيگىزەتىن ىقپالى» تۇرعىسىندا ءوزىنىڭ زەرتتەۋلەرىمەن ءبولىستى.
«تاريحتا تۇركى الەمى مىقتى مادەنيەت پەن وركەنيەت پايدا بولىپ, دامىعان عاجايىپ كەڭىستىك رەتىندە بەلگىلى. تۇركى وركەنيەتىنىڭ اسەرى الەمدىك تاريحتىڭ, مادەنيەتتىڭ, تىپتەن وركەنيەتتىڭ بارىسىنا زور ىقپالىن تيگىزدى. تۇركى الەمى ءوزىنىڭ ورنالاسۋى جاعىنان دا شىعىس پەن باتىستى بايلانىستىرىپ تۇردى. شىعىس پەن باتىس ارالىعىنداعى ايماققا يەلىك ەتە وتىرىپ تۇركى الەمى ۇلى جىبەك جولىنىڭ كۇرەتامىرى رەتىندە ەكى وركەنيەتتى بايلانىستىردى. بۇعان تەك VI سوڭىنا قاراي مۇمكىندىك تۋدى. ءدال سول كەزەڭدە تۇركى قاعاناتىنىڭ شەكاراسى باتىستا ۆيزانتيامەن, وڭتۇستىكتە پارسى جانە ۇندىستانمەن, ال شىعىسىندا قىتايمەن ءتۇيىستى. وسىعان قاراپ كورشى ەلدەردىڭ تاريحى تۇركى دەرجاۆاسىمەن تىعىز بايلانىستى بولعان» دەپ اتاپ ءوتتى فيلوسوفيا عىلىمدارىنىڭ دوكتورى, ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ پروفەسسورى ساعادي بولەكباەۆ «الەمدىك مادەنيەت پەن وركەنيەتتىڭ دامۋىنا تۇرىكتەردىڭ قوسقان ۇلەسى» بايانداماسىندا.
تاريح عىلىمدارىنىڭ كانديداتى, قاۋىمداستىرىلعان پروفەسسور, شوقان ۋاليحانوۆ اتىنداعى تاريح جانە ەتنولوگيا ينستيتۋتى عىلىمي كادرلاردى دايارلاۋ ورتالىعىنىڭ مەڭگەرۋشىسى التىن ۋالتاەۆا « ۇلى دالانىڭ جەتى قىرى» ۇلگىسىندەگى رۋحاني جاڭعىرۋ ستراتەگياسى» تاقىرىبىنا كەڭىنەن توقتالىپ ءوتتى.
شاراعا قر ۇعا اكادەميگى امانجول قوشانوۆ, قر بعم عك ەكونوميكا ينستيتۋتىنىڭ باس عىلىمي قىزمەتكەرى, ەكونوميكا عىلىمدارىنىڭ دوكتورى, پروفەسسور فارحات دنىشەۆ, سونداي-اق ينستيتۋتتىڭ عىلىمي قىزمەتكەرلەرى, ساراپشىلار, جاس عالىمدار قاتىستى.
شاراعا قاتىسۋشىلار دوڭگەدەك ۇستەل بارىسىندا رەزوليۋتسيا قابىلداپ, مادەني جانە قۇندى باعدارىمىزدى قولداۋ ماقساتىندا قوعامنىڭ ينتەللەكتۋالدانۋىنا كۇش سالۋ قاجەتتىلىگى تۋرالى ۇسىنىستارىن ءبىلدىردى.
ەلۆيرا سەرىكقىزى,
«ەگەمەن قازاقستان»
الماتى
