«اقتوبە وبلىسى - قازاقستاننىڭ نەگىزگى كولىك جانە ترانزيتتىك توراپتارىنىڭ ءبىرى, سوندىقتان كولىك ينفراقۇرىلىمىن دامىتۋعا ەرەكشە نازار اۋدارىلادى. بيىل وبلىس جولدارىن سالۋدى جانە جوندەۋدى قارجىلاندىرۋ ءبىر جارىم ەسە ءوستى. بارلىعى 37,5 ملرد تەڭگە ءبولىندى. وسى قاراجاتقا 400 شاقىرىم اۆتوكولىك جولى جوندەلىپ, سالىندى, بۇل 2017 جىلعا قاراعاندا ءجۇز شاقىرىمعا ارتىق»,- دەدى ءوڭىر باسشىسى.
اناعۇرلىم ءىرى جول جوبالارىنىڭ قاتارىندا «استانا-اقتوبە-اتىراۋ-استراحان», «اقتوبە-ورسك», «اقتوبە قالاسىنداعى وڭتۇستىك اينالما», «شۇبارقۇدىق-ويىل-قوبدا-سول-يلەتسك», ء«دوڭ-نيكەلتاۋ-بادامشا» اۆتوكولىك جولدارىنىڭ ۋچاسكەلەرىندەگى جوندەۋ-قۇرىلىس جۇمىستارى بار.
اقتوبە قالاسىندا جوندەلگەن جولداردىڭ جالپى ۇزىندىعى 27,6 شاقىرىمدى قۇرادى. وسى جىلى اقتوبەدە كولىك سالاسىندا بىرقاتار اۋقىمدى جوبالار جۇزەگە اسىرىلدى. اتاپ ايتقاندا, ەكى اينالما جول ايرىعى بار تۋننەلدى وتپەجول اشىلدى. سازدى وزەنى ارقىلى وتەتىن كوپىر مەن اقتوبە فەرروقورىتپا زاۋىتى اۋدانىنداعى اقتوبەدەن شىعىپ كەتەتىن جولدا وتپەجول سالىندى. قۇنى 2,1 ملرد تەڭگە بولاتىن جوبانى جۇزەگە اسىرۋ وتكەن جىلدىڭ ماۋسىم ايىندا باستالعان بولاتىن. ۇزىندىعى 67 مەتر بولاتىن وتپەجول قالانى «باتىس ەۋرورپا-باتىس قىتاي» حالىقارالىق كولىك دالىزىمەن جالعاپ, سونىمەن قاتار, كولىكتەردىڭ «اقتوبە-مارتوك» اۆتوكولىك جولىندا تەمىرجول جولدارىن كەدەرگىسىز ءارى قاۋىپسىز ءوتۋىن قامتاماسىز ەتتى.
جالپى, جاڭا كولىك جول ايرىقتارى وبلىس ورتالىعىنىڭ ورتالىق كوشەلەرىندەگى ترافيكتى ازايتۋعا كومەكتەسەدى.
تەمىر قۇسايىن,
«ەگەمەن قازاقستان»
اقتوبە وبلىسى
