قاراعاندى كوشەلەرىن قاردان تازالاۋ مىناداي تارتىپپەن جۇرگىزىلەدى: تەحنيكا ءبىرىنشى كەزەكتە قالا اۋداندارىن رەسپۋبليكالىق تراسسامەن بايلانىستىراتىن جولدارعا جۇمىلدىرىلادى. ودان كەيىن بارىپ باسقا جولدار تازارتىلادى.
– الدىمەن ءبىز جولعا تۇز بەن قۇم قوسپاسىن سەبەمىز, ول قار ەرىگەنشە ءبىراز ۋاقىت جەردە جاتا تۇرۋى كەرەك. ەگەر ونى سەپپەسەك, مۇز قاتىپ قالادى دا, ونى بۇزۋ قيىنعا سوعادى. جالپى قالادا قار تازالاۋ جۇمىستارى تاۋلىك بويى جۇرگىزىلەدى, – دەيدى «تازالىق ەكسپەرت» جول ۋچاسكەسىنىڭ باستىعى اداي ەسەمبەكوۆ.
كوشەنى قاردان تازارتۋ جۇمىستارىنا كوبىنە جول شەتىنە قالدىرىلعان اۆتوكولىكتەر كەدەرگى كەلتىرەدى ەكەن. ولاردىڭ يەلەرىن كۇتۋدى نەمەسە كولىكتى باسقا جەرگە اپارىپ قويۋدى ۋاقىت كوتەرمەيدى. سوندىقتان جۇمىسكەرلەرگە جول جيەكتەرىن قولمەن تازالاۋعا تۋرا كەلەدى.
قايرات ءابىلدا,
«ەگەمەن قازاقستان»
قاراعاندى
