كەزدەسۋگە قۇقىق قورعاۋ ورگاندارىنىڭ وكىلدەرى جانە شىعىس قازاقستان وبلىستىق ءدىن ماسەلەلەرىن زەرتتەۋ ورتالىعى ماماندارى, وسكەمەن جانە سەمەي ەپارحياسىنىڭ پراۆوسلاۆ شىركەۋى ەپيسكوپىنىڭ كومەكشىلەرى, قمدب-نىڭ وسكەمەن ايماعى بويىنشا حاليفا التاي مەشىتىنىڭ نايب يمامى قاتىسىپ, ء«داستۇرلى ەمەس جانە راديكالدىق ءدىني اعىمداردىڭ قۇرىلىمدى بۇزاتىن يدەولوگياسىنىڭ ءمانىن ءتۇسىندىرۋ» تاقىرىبىندا ويلارىن ورتاعا سالدى. ءدىن ماسەلەلەرىن زەرتتەۋ ورتالىعىنىڭ ءبولىم مەڭگەرۋشىسى ا.سابالاقوۆا ءوز سوزىندە ەلىمىزگە قاۋىپ توندىرەتىن دەسترۋكتيۆتى ءدىني اعىمدار, ولاردىڭ زايىرلى مەملەكەتتىڭ پرينتسيپتەرىنە قارسى كەلەتىنى, سونداي-اق جات, راديكالدى ءدىني اعىمداردىڭ ءمانى, كەلتىرەتىن قاۋپىنە جان-جاقتى توقتالدى. «مەشىتتىڭ نايب يمامى جيھاد, شاحيت جايلى ساربازدارعا تۇسىنىك بەرىپ, يسلام ءدىنىنىڭ نەگىزگى قاعىداتتارى مەن ۇستانىمدارى ءبىزدىڭ بابالارىمىز ۇستانعان نانىم-سەنىمدەرمەن ۇشتاسىپ جاتقانىن اڭگىمەلەدى. باۋىرمالدىق پەن مەيماندوستىقتان ەشكىمنىڭ جاپا شەكپەيتىنىن ايتتى.
ال وسكەمەن جانە سەمەي ەپارحيىنىڭ جاستار ءىسىنىڭ وكىلى ۆ.گۋتوۆ دەسترۋكتيۆتىك اعىمنىڭ بەلگىلەرى مەن قاۋپىنە توقتالدى. جاس بۋىن دەن قويىپ تىڭداپ, سۇراقتار قويدى. مىسالى: قاتارداعى ن.بوگومولوۆ تەرىس اعىمداردان ساقتانۋ جولدارىن, قاتارداعى راحىمبەردى ەلدار ءدىننىڭ جاستارعا اسەرىن, ال قاتارداعى ولجاس شايمەردەنوۆ مەشىت جاعالاعان كەيبىر جات قىلىقتىلاردان كالاي قۇتىلۋ كەرەكتىگى جايىندا ساۋالدارىن جولداپ, سۇراقتارىنا تولىمدى جاۋاپ الدى. جالپى باسقوسۋ جاستارعا تاعىلىمدى تاربيە بەردى دەگەن ويدامىز», - دەيدى 27943 اسكەري ءبولىمىنىڭ مەملەكەتتىك ءتىلدى دامىتۋ مامانى باقىت وسپانوۆا.
ازامات قاسىم,
«ەگەمەن قازاقستان»
وسكەمەن
