فۋتبول • 29 قاراشا، 2018

«استانا» – «دينامو»: سوڭعى تۋر الدىنداعى شەشۋشى ماتچ

200 رەتكورسەتىلدى

بۇگىن ۋەفا ەۋروپا ليگاسىنىڭ توپتىق كەزەڭدەگى بەسىنشى تۋر ويىندارى وينالادى. بۇل تۋردا ەلوردانىڭ «استانا» كومانداسى ءوز الاڭىندا ۋكراينانىڭ «دينامو» (كيەۆ) كلۋبىن قابىلدايدى. ەگەر جەرلەستەرىمىز بۇگىنگى كەزدەسۋدە جەڭىسكە جەتەتىن بولسا، توپتان ءبىرىنشى ورىنمەن شىعۋعا مۇمكىندىك تۋادى. ال ەگەر تەڭ ناتيجە تىركەلىپ نەمەسە جەڭىلىپ قالاتىن بولسا بار ماسەلە سوڭعى تۋرادا شەشىلمەك.

كەشەگى كەڭەس وداعى تۇسىندا بۇكىل ەۋروپاعا تانىمال بولعان كيەۆتىڭ «دينامو» كومانداسى وسىمەن قازاقستانعا ەكىنشى رەت كەلدى. بۇعان دەيىن «دينامو» ەۋروپا ليگاسىنىڭ 2013/14 جىلعى ماۋسىمىندا «اقتوبەمەن» توپتىق كەزەڭگە جولداما بەرەتىن پلەي-وفف باسەكەسىندە كەزدەسىپ، ەكى ويىننىڭ قورىتىندىسى بويىنشا 8:3 ەسەبىمەن جەڭىسكە جەتكەن.

جەتىنشى جىل قاتارىنان ەۋروپا ليگاسىندا دوپ تەۋىپ جاتقان «دينامو» التى رەت توپتىق كەزەڭدە، سوڭعى 5 ماۋسىمدا ءتورت رەت پلەي-وففقا دەيىن جەتكەن. ال بەسىنشى رەت ەۋروپا ليگاسىندا ويناپ جاتقان «استانا» كومانداسى وسىمەن ءۇشىنشى جىل قاتارىنان توپتىق كەزەڭدە ونەر كورسەتىپ كەلەدى. بىلتىرعى ماۋسىمدا تاريحتا تۇڭعىش رەت پلەي-وفف كەزەڭگە شىققان بولاتىن. بيىل سول جەتىستىكتى قايتالاۋعا تاماشا مۇمكىندىك تۋىپ تۇر. ول ءۇشىن «استانا» بۇگىنگى ويىندا قالاي دا جەڭىسكە جەتۋى كەرەك.

توپتىق كەزەڭنىڭ العاشقى تۋرىندا «استانا» سىرت الاڭدا «دينامومەن» ويناپ، 2:2 ەسەبىمەن تەڭ ءتۇستى. قازاقستان كومانداسىنىڭ ويىنشىسى رومان مۇرتازاەۆ تورەشى قوسقان قوسىمشا مينۋتتا گول سوعىپ، كومانداسىنا ماڭىزدى ءبىر ۇپاي سىيلادى. سىرت الاڭداعى تەڭ ويناپ، ماۋسىمدى كوتەرىڭكى كوڭىل-كۇيمەن باستاعان «استانا» كەيىنگى ءۇش ويىندا دا ۇپاي يەلەندى. ەكىنشى تۋردا ءوز الاڭىندا «رەنندى» (2:0) جەڭسە، سىرت الاڭدا «يابلونەتسپەن» تەڭ ءتۇسىپ (1:1)، استاناداعى ويىندا 2:1 ەسەبىمەن جەڭىسكە جەتتى.

«دينامو» ەۋروپا ليگاسىنىڭ توپتىق كەزەڭىندەگى العاشقى ەكى ويىندى دا 2:2 ەسەبىمەن اياقتادى. ودان سوڭ، «رەننىڭ» وسال تۇسىن تاپتى. فرانتسيادا – 2:1، كيەۆتە – 3:1 ەسەبىمەن باسىم ءتۇستى. بۇگىنگى ويىندا كيەۆ كومانداسىنا توپتان شىعۋ ءۇشىن تەڭ ناتيجە دە جەتكىلىكتى. ەگەر، جەڭىپ جاتسا، K توبىنىڭ كوشىن باستايدى.

سوندىقتان بۇگىنگى ويىندا نەگىزگى سالماق شابۋىلشىلار مەن قورعاۋشىلارعا تۇسپەك. جازعى ترانسفەر ماۋسىمىندا «استاناعا» قايتا ورالعان كونگولىق شابۋىلشى دجۋنيور كابانانگا بۇگىنگە دەيىن 15 ويىن وتكىزىپ، ءالى بىردە-ءبىر رەت مەرگەندىگىمەن كوزگە تۇسكەن جوق. دەگەنمەن ەۋروپا ليگاسىنىڭ توپتىق كەزەڭىندەگى ەكى ناتيجەلى پاس اسىرىپ، كومانداسىنىڭ جەڭىسكە جەتۋگە ءوز ۇلەسىن قوستى. قازاقستاننىڭ ءۇش مارتە ۇزدىك سۇرمەرگەنى اتانعان، قازىرگى تاڭدا «شاحتەر» فۋتبول كلۋبىنىڭ سپورت ديرەكتورى مۇرات تىلەشەۆتىڭ ايتۋىنشا، كابانانگا گول سوقپاسا دا، كومانداعا كوپ پايداسىن تيگىزىپ جۇرگەن كورىنەدى. «جۋنيور گول سوقپاسا دا، كومانداسىنا ءبىر كىسىدەي-اق كومەكتەسىپ ءجۇر. ارينە، شابۋىلشىلاردا كەيدە ونداي ساتسىزدىكتەر بولادى. مەنىڭ ويىمشا، كابانانگا وزىنە دەگەن سەنىمدىگىن قايتا كەلتىرۋى ءۇشىن ءبىر گول سوعۋى كەرەك. سودان كەيىن، بارلىعى ءوز جولىنا تۇسەدى دەگەن ويدامىن. كونگولىق شابۋىلشى ءوز گولدارىن ەۋروپا ليگاسى اياسىنداعى «دينامو» مەن «رەننگە» قارسى ويىندارعا ساقتاپ قالدى دەگەن ۇمىتتەمىن»، دەيدى م.تىلەشوۆ.

ال 2007 جىلى «التىن دوپتى» يەلەگەن ۋكراينالىق اتاقتى فۋتبولشى، قازىرگى تاڭدا فۋتبولدان ۋكراينا قۇراماسىنىڭ باس باپكەرى بولىپ جۇرگەن اندرەي شەۆچەنكونىڭ پىكىرىنشە، الداعى ويىن توپتىڭ جەڭىمپازىن انىقتايتىندىقتان، ەكى كومانداعا دا وڭايعا سوقپايدى. «كيەۆتەگى ويىن ەكى تەرەزەسى تەڭ قارسىلاستىڭ تەكە-تىرەسى بولدى. «دينامو» ويىنشىلارى ويىن باسىمدىعىنا يە بولىپ، ءتىپتى، ەسەپتە الدا تۇرعانىمەن، قوناق كوماندا وكىلدەرى سوڭعى ساتتە جيناقى ويناي ءبىلدى. وسى كەزدەسۋدەن كەيىن ەكى كوماندا وكىلدەرىنىڭ لايىقتى قورىتىندى شىعارعانى سوڭعى ويىندارىندا كورىندى»، دەيدى ول.

K توبىنىڭ ءبىرىنشى كومانداسىن انىقتايتىن ەكى كوماندا اراسىنداعى كەزدەسۋ بۇگىن ساعات 20:50-دە باستالادى. ويىندى QAZSPORT تەلەارناسى تىكەلەي ەفيردە كورسەتەدى.

ءالي بيتورە،

«ەگەمەن قازاقستان»

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار