اتالعان كەزدەسۋلەردىڭ باستى تاقىرىبىنا كەلىسسوزدەردىڭ كۇن ءتارتىبى, ورىندارداعى قازىرگى جاعدايدى تالقىلاۋ, سونىڭ ىشىندە يدليب ايماعىندا, سار-داعى ۇزاققا سوزىلعان قاقتىعىستى تۇپكىلىكتى رەتتەۋ پەرسپەكتيۆالارى, سونداي-اق سيريا جونىندەگى كونستيتۋتسيالىق كوميتەتىنىڭ قۇرامىن قالىپتاستىرۋ جانە جەدەل ىسكە قوسىلۋ ماسەلەلەرى كىردى.
ء«بىز پرەزيدەنت نۇرسۇلتان نازارباەۆقا سيرياداعى بەيبىتشىلىك قۇرۋدىڭ جالعىز جۇمىس ىستەيتىن جانە ءتيىمدى مەحانيزمى بولىپ تابىلاتىن كەلىسسوزدەر الاڭىن ۇسىنعانى ءۇشىن العىسىمىزدى بىلدىرەمىز», - دەدى ب. ءال-دجاافاري.
وپپوزيتسيا دەلەگاتسياسىمەن كەزدەسۋ بارىسىندا ا. ءال-توما استانا پروتسەسىنىڭ ءرولىن اتاپ ءوتىپ, استاناداعى كەلىسسوزدەر سيرياداعى داعدارىستى شەشۋدە جالعىس ءتيىمدى قۇرال ەكەنىن ايتتى.
ءوز كەزەگىندە, ەكى كەزدەسۋدىڭ شەڭبەرىندە ق. ءابدىراحمانوۆ گۋمانيتارلىق باعىتتاعى جۇمىستى كۇشەيتۋ قاجەتتىگىن, اتاپ ايتقاندا, گۋمانيتارلىق كومەك كورسەتۋدىڭ كەدەرگىسىز وتۋىنە جاعداي جاساۋ, جانجالعا قاتىسۋشىلاردىڭ اراسىنداعى سەنىم شارالارىن ودان ءارى نىعايتۋ, تۇتقىنعا الىنعان تۇلعالارمەن الماسۋ پروتسەسىن بەلسەندەتۋ جانە قاقتىعىس ايماقاتىرىنان شەتەل ازاماتتارىن ەۆاكۋاتسيالاۋ جولدارىن دامىتۋ قاجەتتىگىن اتاپ ءوتتى.
سونداي-اق, بوسقىنداردىڭ سيرياعا قايتىپ كەلۋ تاقىرىبى قوزعالدى. قازاقستان تاراپى بۇۇ-دىڭ جەنەۆاداعى پلاتفورماسىنداعى ساياسي رەتتەۋ جونىندەگى كۇش-جىگەرىنە ءوزىنىڭ قولداۋىن راستادى.
