19 قازاندا قاراعاندى وبلىسىنىڭ ۇلىتاۋ اۋدانىندا 1930 جىلى دۇنيەگە كەلگەن تورەگەلدى شارمانوۆ قاراعاندى مەملەكەتتىك مەديتسينا ينستيتۋتىن, اسپيرانتۋراسىن ءبىتىرىپ, مەديتسينا سالاسىندا سونى جەتىستىكتەرگە قول جەتكىزدى. مەديتسينا عىلىمىنىڭ دوكتورى, پروفەسسور, رەسەي مەديتسينا عىلىم اكادەمياسىنىڭ جانە قر ۇعا اكادەميگى, قازاقستاننىڭ ەڭبەك سىڭىرگەن قايراتكەرى, قازاق تاعامتانۋ اكادەمياسىنىڭ جانە پروفيلاكتوريالىق مەديتسينا اكادەمياسىنىڭ نەگىزىن قالاۋشىسى ءارى دۇنيەجۇزىلىك دەنساۋلىق ساقتاۋ ۇيىمىنىڭ تاعامتانۋ جونىندەگى ساراپشىلار كوميتەتىنىڭ مۇشەسى رەتىندەگى قىزمەتى جىلدار بويعى عىلىمي-تاجىريبەدەگى ىزدەنىستەرىنىڭ ناتيجەسى. بۇگىندە اكادەميكتىڭ جەتەكشىلىگىمەن 56 دوكتورلىق جانە 170 كانديداتتىق ديسسەرتاتسيا قورعالدى.
«قازان رەۆوليۋتسياسى», «حالىقتار دوستىعى», «پاراسات» وردەندەرىمەن ماراپاتتالعان. ددۇ ل.بەرنارد اتىنداعى سىيلىقتىڭ يەگەرى.
«قازاقستان رەسپۋبليكاسىندا تاعام تۋرالى عىلىمنىڭ ىرگەلى دە قولدانبالى اسپەكتىلەرىن دايىنداۋ» ەڭبەكتەر توپتاماسى ءۇشىن قازاقستان مەملەكەتتىك سىيلىعىنىڭ يەگەرى جانە «عىلىم» نوميناتسياسىنداعى «پلاتينا تارلانى» تاۋەلسىز سىيلىعىنىڭ يەگەرى اتانعان.
كىتاپتا تورەگەلدى شارمان ۇلىنىڭ ءومىرى مەن قىزمەتىنىڭ سان-قىرلارىن قامتىعان «قاس-قاعىم» كىتابىندا ەلىمىزدىڭ بەلگىلى قوعام, ونەر قايراتكەرلەرىنىڭ اكادەميكتىڭ ءومىرى مەن ەڭبەك جولىنا ارناعان ماقالالارىمەن قاتار فوتوسۋرەتتەر توپتاستىرىلعان.
ءىس-شاراعا قازاقستاننىڭ ەڭبەك سىڭىرگەن قايراتكەرى سەرگەي ءازىموۆ, «اتامۇرا» كورپوراتسياسىنىڭ پرەزيدەنتى راقىمعالي ابرار ۇلى, ۇلتتىق كىتاپحانا ديرەكتورى جانات سەيدۋمانوۆ, ت.ب. قوعام جانە مادەنيەت قايراتكەرلەرى, باق وكىلدەرى مەن ستۋدەنتتەر قاتىستى.
ەلۆيرا سەرىكقىزى,
«ەگەمەن قازاقستان»
الماتى
