سۋرەتتەردى تۇسىرگەن: ەرلان ومار
جيىندى قوعامدىق دامۋ ءمينيسترى د.كالەتاەۆ اشتى.
«ازاماتتىق فورۋم وسىمەن ەلىمىزدە سەگىزىنشى رەت ۇيىمداستىرىلىپ وتىر. اتالمىش فورۋم ەلىمىزدە ءار ەكى جىل سايىن وتەدى. بيىلعى فورۋمنىڭ ەرەكشەلىگى فورۋم جۇمىسىنا العاش رەت مەملەكەت باسشىسى قاتىسقالى وتىر. بۇل فورۋم بۇگىنگى تاڭدا ۇلكەن ماڭىزعا يە. شارا بارىسىندا قوعام ءومىرى جايىندا وزەكتى سۇراقتاردى تالقىلايتىن بولامىز. ازاماتتىق دامۋ سۇراقتارى ءبىزدىڭ قوعام ءۇشىن وتە ماڭىزدى. نورماتيۆتىك قۇقىقتار مەن ساياسي شەشىمدەر قابىلداماس بۇرىن ءبىز ءبىرىنشى كەزەكتە قوعام پىكىرىنە قۇلاق اسامىز. رەسپۋبليكالىق فورۋمدى وتكىزۋگە دايىندىق بارىسىندا بىرقاتار جۇمىستار اتقارىلدى. بۇعان دەيىن ەلىمىزدىڭ ءار وبلىسىندا ايماقتىق ازاماتتىق فورۋمدار ءوتتى. بۇگىنگى رەسپۋبليكالىق فورۋمعا تاڭداۋلى ايماقتىق دەلەگاتتار جينالىپ وتىر. ءىس-شارا بارىسىندا قوعام ءۇشىن ماڭىزدى ويلارمەن ءبولىسىپ, اشىق ديالوگ الاڭىن قۇرامىز. سونىڭ نەگىزىندە ءاربىرىمىز ءۇشىن ماڭىزدى شەشىم قابىلدايمىز دەگەن نيەتتەمىن», دەدى د.كالەتاەۆ.
ءىس-شارا شەڭبەرىندە سەمينارلار, دوڭگەلەك ۇستەلدەر, پىكىرتالاس الاڭدارى, مينيسترلىكتەر مەن ۆەدومستۆولار باسشىلارىمەن سالالىق كەزدەسۋلەر فورماتىنداعى 35 تاقىرىپتىق سەسسيا جۇمىستارى وتەدى دەپ جوسپارلانۋدا.
تاقىرىپتىق سەسسيالار مەملەكەتتىك ورگانداردى جاڭعىرتۋ, مەديا جانە اشىقتىق, ەكولوگيا جانە قورشاعان ورتانى قورعاۋ, الەۋمەتتىك كاسىپكەرلىك جانە يننوۆاتسيا, ءىت جانە Big Data, تۇتىنۋشىلاردىڭ قۇقىقتارىن قورعاۋ, بەلسەندى ازاماتتىق قوعامدى قالىپتاستىرۋداعى جوو مەن مەكتەپتەردىڭ ءرولى سىندى وزەكتى ماسەلەلەردى تالقىلاۋعا ارنالادى.
بۇگىنگى جيىنعا حالىقارالىق ۇيىمداردىڭ, مەملەكەتتىك جانە بيزنەس قۇرىلىمداردىڭ سونداي-اق قوعامدىق كەڭەستەردىڭ وكىلدەرى قاتىسىپ جاتىر.
مارجان تىلەۋبەك,
«ەگەمەن قازاقستان»
