– سەمەي قالاسىنداعى مەملەكەتتىك مەديتسينا ۋنيۆەرسيتەتىندە ەڭ ۇزدىك دارىگەرلەر دايارلانادى, − دەدى دانيال كەنجەتاي ۇلى, − شىعىس وڭىرىندە بۇكىل مەديتسينانى حالىقارالىق ستاندارتقا ساي جابدىقتاپ وتىرمىز. بۇل − ادامداردىڭ ءومىر ءسۇرۋ ساپاسىن جاقسارتۋ قادامى. تۇرعىندار ءال-اۋقاتىنىڭ جاقسارعاندىعىن ءاردايىم سەزىنۋى ءتيىس. سەمەيدەگى جەدەل مەديتسينالىق جاردەم اۋرۋحاناسىندا جاڭا جىلدان باستاپ وپەراتسيا جاسايتىن گيبريدتى زال جۇمىس ىستەيدى. مۇنداي وپەراتسيا جاسايتىن زال تمد ەلدەرىندە دە, رەسەيدە دە جوق. تۇرعىندارىمىز وپەراتسيا جاساۋ ءۇشىن ەندى رەسەيگە اعىلمايدى. كەرىسىنشە ءنوۆوسىبىر قالاسى سياقتى كورشىلەس قالالار تۇرعىندارى بىزگە قاراي اعىلاتىن بولادى. اياگوز قالاسىندا ينسۋلتتى ورتالىق اشىپ, ەڭ جوعارى دەڭگەيلى پەرزەنتحانانى ىسكە قوستىق. زىريان قالاسىندا, قازىرگى اتاۋى التاي, ول جاقتا دا وسىلاي ەكەنىن اتاپ وتكىم كەلەدى. ال ەندى ءبىلىم سالاسىنا كەلسەك, «نۇر وتان» پارتياسىنىڭ سەزىندە 2020 جىلعا دەيىن ەلىمىز بويىنشا 1000 ءىت-سىنىپ اشۋ تۋرالى تاپسىرما بەرىلدى. ءبىزدىڭ وبلىستا ءار مەكتەپ بويىنشا تولىق جابدىقتالعان ءىت-سىنىپتار بار. ولاردىڭ دەڭگەيى جوعارى, ءبىز روبوت-تەحنيكا سىنىپتارىن باعدارلاۋ سىنىپتارىمەن بىرىكتىردىك. ەگەر وسى ءىت-سىنىپتاردى جاڭادان ورناتساق, وندا باعدارلامانىڭ فرانزيشاسىنا 2,7 ميلليارد تەڭگە تولەۋىمىز ءتيىس ەدى. بىراق سەمەيدەگى ەلەكترتەحنيكالىق كوللەدج ۇجىمى بۇل باعدارلامانى وزدەرى جاساپ شىعاردى. ءبىلىم جانە عىلىم مينيسترلىگى وسى باستامانى بەكىتتى. سوندىقتان قانشاما قاراجاتتى ۇنەمدەپ قالدىق. ءسويتىپ ءىت-سىنىپتار ءۇشىن قاجەتتى باعدارلامانى 52 ميلليون تەڭگەمەن قامتىدىق. ەندى مىنە كەلەر جىلى ءوڭىردىڭ 655 مەكتەبىندە ءىت-سىنىپتار تولىق جۇمىسقا كىرىسەدى. سەمەي قالاسىنىڭ ءار تۇرعىنى ەكونوميكانىڭ كوتەرىلىپ كەلە جاتقاندىعىن ءبىلۋى كەرەك. قالا اۋلالارىندا 4 مىڭ بەينەكامەرا ورناتامىز. ءتىپتى ەۋروپانىڭ كوپتەگەن قالالارىندا مۇنداي جاڭاشىلدىق جوق. قالانى كورىكتەندىرىپ, شەتكەرى اۋدانداردىڭ ينفراقۇرىلىمىن قالىپقا كەلتىرەمىز.
وبلىس اكىمىنىڭ ايتۋىنشا, پولكوۆنيچي ارالى ەندى بەيبىتشىلىك اتالىپ, ەكولوگيالىق ساياباققا اينالماق.
– ارالعا كەلەر جىلى كوپىردىڭ ىرگەتاسى سالىنادى, − دەدى وبلىس باسشىسى − وسىنداي دۇنيە وسكەمەن قالاسىندا قولعا الىنعان. وسكەمەندە مامىرعا دەيىن دايىن بولادى, ال سىزدەردە قىركۇيەككە دەيىن جاسالۋى ءتيىس. وسىلايشا سەمەيلىكتەر ءۇشىن سپورتپەن اينالىسىپ, دەمالاتىن تاماشا ورىن پايدا بولماق. مەن سەمەيدەگى جۇمىس ورىندارىن دا قاداعالايتىن بولامىن. سەمەي ەلىمىزدەگى ەڭ مىقتى قالاعا اينالۋى ءتيىس.
راۋشان قابجانقىزى,
«ەگەمەن قازاقستان»
سەمەي
