بايراقتى باسەكەدە قازاق ەلى نامىسىن ابىرويلى قورعاعان سپورتشىنى الماتى اۋەجايىنان الماتى وبلىسى جامبىل اۋدانىنىڭ اكىمى باعدات اليەۆتىڭ ءوزى قارسى الىپ, قوشەمەت كورسەتتى. سودان سول ءوڭىردىڭ اتقامىنەرلەرىنىڭ بارلىعى دا ءجاميليا باقبەرگەنوۆانىڭ كىندىك قانى تامعان جەرى – جامبىل مۋزەيى اۋىلىن بەتكە الدى. مادەنيەت ءۇيىنىڭ الدىندا اۋىل اقساقالدارى – باقىت بالاي ۇلى مەن جانات تۇراپ ۇلى بالۋان قىزعا اق باتاسىن بەرسە, سوچيدە وتكەن جاس انشىلەر كونكۋرسىنىڭ لاۋرەاتى مارعۇلان دۇيسەكە مەن تەرمەشى ەرمەك شاشتاي ۇلى جىردان شاشۋ شاشتى. «القيسسا» ونەر مەكتەبىنىڭ وقۋشىلارى كۇي تارتىپ, تالاي جىر مەن انگە ارقاۋ بولعان مايتوبەنىڭ باۋرايىن ايرىقشا دۋمانعا بولەدى. سپورتشىعا جابۋىمەن سايگ ۇلىك مىنگىزدى. ال ءجاميلانىڭ ءوزى وسىلاي الاقاندارىنا سالىپ ايالاپ, قۇرمەت پەن قوشەمەت كورسەتكەن جەرلەستەرىنە زور ريزاشىلىعىن ءبىلدىرىپ, الداعى ءدۇبىرلى دودالاردا دا بارىنشا تابىستى ونەر كورسەتىپ, ەل سەنىمىن اقتاۋ ءۇشىن ەش ايانىپ قالمايتىنىن جەتكىزدى.
سپورتتىڭ سوقپاعىنا تۇسكەلى بەرى جامبىل مۋزەيى اۋىلىنىڭ تۋماسى ءجاميلا باقبەرگەنوۆانىڭ تالاي بيىك بەلەستەردى باعىندىرعانىن جانكۇيەرلەر جاقسى بىلەدى. ول – كادەتتەر اراسىندا ازيا چەمپيونى, الەم بىرىنشىلىگىنىڭ قولا جۇلدەگەرى, جاستار اراسىندا دا قۇرلىقتىق جانە جاھاندىق دودالاردا بىرنەشە مارتە جەڭىس تۇعىرىنا كوتەرىلدى. 2016 جىلدان بەرى ايەلدەر سايىسىندا كۇش سىناسىپ جۇرگەن جەرلەسىمىز يسلام ىنتىماقتاستىعى ويىندارى جانە داڭقتى بالۋاندار – الەكساندر مەدۆەد پەن يۆان يارىگيننىڭ تۋرنيرىندە دە جۇلدەگەرلەر قاتارىنان كورىندى. باسقا دا جارىستاردا جەڭىپ العان جۇلدەلەرى جەتەرلىك.
بۋحارەستە جالاۋى جەلبىرەگەن جارىستا ءجاميلا جاپونيالىق نارۋتۋ ماتسۋيۋكي مەن امەريكالىق رەيچەل-ەنن ۋوتتەرستى ۇتىپ, جارتىلاي فينالدا بۋسە توسۋنگە ەسە جىبەردى. ودان كەيىن ناينۋ ناينۋدىڭ تاس-تالقانىن شىعارىپ, قولا مەدالدى موينىنا ءىلدى.
عالىم سۇلەيمەن,
«ەگەمەن قازاقستان»
