مينيسترلەردىڭ باياندامالارىن تىڭداعان سوڭ پرەمەر-مينيستر وتكەن ۋاقىتتا مەملەكەت باسشىسىنىڭ تاپسىرماسىن ورىنداۋ بويىنشا اۋىقمدى جۇمىستار اتقارىلعانىن اتاپ ءوتتى. 2019 جىلدىڭ 1 قاڭتارىنان باستاپ ەلەكتر ەنەرگياسىنىڭ, گاز, جىلۋ مەن سۋدىڭ, كومىردىڭ, ۇيالى بايلانىس پەن ينتەرنەتتىڭ باعاسى تومەندەيدى. ب.ساعىنتاەۆ مەملەكەت باسشىسىنىڭ تاپسىرمالارى 1 قاڭتاردان باستاپ ورىندالۋى كەرەكتىگىن باسا ايتتى.
وسىعان بايلانىستى, وبلىستاردىڭ, استانا, الماتى, شىمكەنت قالالارىنىڭ اكىمدىكتەرىنە تۇرعىندار ءۇشىن كومىردىڭ قولايلى باعاسىن قامتاماسىز ەتۋ ءۇشىن وڭىرلىك وپەراتورلاردىڭ ۇزدىكسىز جانە ساپالى جۇمىسىن قامتاماسىز ەتۋ تاپسىرىلدى.
سونىمەن قاتار, پرەمەر-مينيستر بىرقاتار وڭىرلەردە جىلدىڭ باسىنان بەرى قوقىس شىعارۋ تاريفتەرىنىڭ وسكەنىنە توقتالدى. ول شىعىس قازاقستان وبلىسىندا 30%-عا, باتىس قازاقستان وبلىسىندا 46%-عا, سولتۇستىك قازاقستان وبلىسىندا 50%-عا جانە الماتى قالاسىندا 40%-عا وسكەن. جولاۋشىلار تاسىمالى بويىنشا اقتوبە وبلىسىندا جولاقى باعاسى 30%-عا وسكەن.
پرەمەر-مينيستر ب. ساعىنتاەۆ وڭىرلەردىڭ اكىمدەرىنە وبلىستىڭ كوممۋنالدىق قىزمەتتەر تاريفتەرىنىڭ وسۋىنە جول بەرمەۋدى جانە ولاردى تومەندەتۋ بويىنشا ءتيىستى جۇمىستار جۇرگىزۋدى تاپسىردى.
